Aıta ketetini, eksporttalǵan barlyq ónimniń úshten bir bóligi, ıaǵnı 859,2 mln AQSh dollaryn (33,4 %) otandyq aýyl sharýashylyǵy shıkizatynan óńdelgen daıyn ónimder qurap otyr. Osylaısha aýyl sharýashylyǵy salasynda qaıta óńdeý ónimderin satý kórsetkishteri ósip otyrǵanyn kórýge bolady. Tek, aǵymdaǵy jyldyń qazan aıynda elimizden shet elderge 102 mln AQSh dollaryna daıyn ónim satylǵan.
Aýyl sharýashylyǵy shıkizatynan óńdelgen daıyn ónim eksportynyń eń úlken úlesi un (30% - dan astam) jáne ósimdik maıy (15%) sııaqty taýarlarǵa tıesili. Eń kóp satylatyn ónimder qataryna sút ónimderi, kondıterlik ónimder, shokolad, makaron jáne qus eti kiredi.
Sonymen qatar qazaqstandyq naryqty otandyq óndiristik azyq-túlik ónimderimen qamtamasyz etý kórsetkishteri 80 paıyzdy qurap otyrǵanyn atap ótý qajet. Taýarlardyń keıbir túrleri boıynsha Qazaqstan jergilikti ónimdermen 100 paıyz qamtamasyz etilgen. Biraq, alma, balyq, shujyq ónimderi, irimshik jáne súzbe, qant jáne qus etteri sııaqty taýar túrlerinen Qazaqstan ımportqa táýeldi.
