Áleýmettik saqtandyrý – jumys isteıtin azamattar úshin áleýmettik qamsyzdandyrýdyń qosymsha nysany. 2019 jyly mindetti áleýmettik saqtandyrý júıesi týraly halyqtyń habardarlyǵyn arttyrý maqsatynda Memlekettik áleýmettik saqtandyrý qorynyń 17 fılıalynda 68 ashyq esik kúnderi ótkizildi.
О́tken aptada analarǵa jáne bolashaq analarǵa arnalǵan master-klass formatyndaǵy sońǵy is-sharalar ótti. Oǵan MÁSQ, «Azamattarǵa arnalǵan úkimet» memlekettik korporasııasy mamandary, sondaı-aq medısınalyq ortalyqtardyń ókilderi, jeke ósýdiń koých-trenerleri qatysty.
Mindetti áleýmettik saqtandyrý júıesine qatysýshylarǵa birqatar aqparattyq jáne konsýltasııalyq qyzmetterin usyný jáne Memlekettik áleýmettik saqtandyrý qory usynatyn elektrondyq memlekettik qyzmetterdi keńinen taratý maqsatynda ashyq esik kúnderi ótkizildi.
Áıelderge 1 jasqa deıingi balany kútip-baǵý úshin áleýmettik tólemdi proaktıvti formatta tóleý múmkindigi týraly aıtyldy, munda siz tólem jasaý maqsaty týraly áleýmettik qorǵaý organdarynyń SMS-habarlamasyna jaýap berip, banktik shotyńyz týraly aqparatty jiberýińiz kerek. Aǵymdaǵy jyldyń 11 aıynda kórsetilgen tólem somasy 13 246 alýshyǵa taǵaıyndaldy.
Master-klass barysynda «Azamattarǵa arnalǵan úkimet» memlekettik korporasııasynyń mamandary egov.kz portaly arqyly balanyń týý týraly kýáligin jáne balabaqshaǵa kezekke turý joldaryn ınteraktıvti túrde kórsetti. Medısınalyq ortalyqtardyń jattyqtyrýshylary bosaný prosesine daıyndyqtyń qajettiligi jáne emshek sútimen qorektený erekshelikteri týraly aıtty.
Sonymen qatar 2019 jyly mindetti áleýmettik saqtandyrý júıesi týraly aqparattandyrý maqsatynda halyqpen 1280 aqparattyq túsindirý kezdesýleri ótkizilip, oǵan 46 304 azamat qatysty.
