«Erli-zaıyptylardyń tórt bala tárbıelep otyrǵanyna qaramastan, olardyń sheshimi naqty jáne anyq boldy. Ekeýide «Jetimsiz Qazaqstan» jobasynyń ıdeıasy týraly Botagóz teledıdardan kórgen bolatyn. Erli-zaıyptylardyń bul oıyn bir úıde turatyn Baýyrjannyń ata-analary qoldady.
Aǵa serjant Baýyrjan Isaev «Ońtústik» óńirlik qolbasshylyǵynyń áskerı bóliminde mehanık-júrgizýshi bolyp qyzmet atqarady. Áskerı qyzmetshi Qarýly Kúshterinde osymen 15 jyl úlgili qyzmet etip jáne elimizdiń qaýipsizdigi men qorǵanys qabiletiniń nyǵaıtýyna iz úlesin qosýda. Qyzmettesteri men komandırleri ony óz isiniń bilimderi mamany, tııanaqty jáne tártipti adam retinde biledi.
«Úlgili jane tártipti áskerı qyzmetshi, áskerı mamandyqty jaqsy meńgergen. «Aıbalta-2019» oqý-jattyǵýynda Úzdik mehanık-júrgizýshi bolyp tanyldy, osy jyldyń kúzinde Úndistandaǵy «QazInd-2019» oqý-jattyǵýynda óziniń kásibı bilimin laıyqty kórsete bildi, dep atap ótti áskerı bólim komandıriniń orynbasary maıor Baǵdad Ábdirahmanov.
-Biz onyń jubaıymen birge balalar úıinen balalardy alýdy sheshkenin bilgende tańkaldyq jáne qoldadyq. Ol kiside bári árdaıym jaqsy. Úıdede de, jumysta da».
Bastapqyda Baýyrjan men Botagóz úsh balany asyrap alýdy oılaǵan. Biraq balalarmen jeke tanysqan kezde bir balanyń aǵa-inileri men apa-qaryndastary bar ekeni anyqtaldy.
Barlyq balalardyń ata-analary bar, alaıda óz mindetterin durys oryndamaýynan ata-ana quqyǵynan aırylǵan. Tek úsheýiniń ata-anasy óz quqyǵynan aırylǵannyń mártebesi joq. Zań boıynsha olardy ázirge asyrap alýshy otbasyna berýge bolmaıdy. Biraq Baýyrjan men Botagóz alǵan oıynan qaıtalaıdy. Olar sabyrmen kútýde. Osy sheshim qabyldanǵannan keıin Isaevtar otbasy qazirgideı on emes, on úsh bala bolady. «Jumystan úıge oralǵanda, balalar «áke» dep aldymnan júgirtip shyǵady» dep qýana aıtty Baýyrjan Isaev.
-Úsh jasar qyzym Angelınany kishi bolǵandyqtan kóterip alamyn, bir ulym býshlatty sheshse, ekinshisi áskerı bas kıimdi alady. Osylaısha bárimiz tatý-tátti úıge kiremiz».
Qazir Isaevtar áýleti jańa jyldy qarsy alýǵa daıyndalýda. Úıde shyrsha ásemdelip, balalar óleń oqıdy, jáne de ata-anasy, ata-ájesi, dostary men Aıaz atadan syılyqtar beriledi. Balalar bir otbasynyń tolyqqandy bir múshesi retinde sezinedi. Bıylǵy jańa jyl olar úshin shynymende erekshe bolady» delingen habarlamada.
