Mınıstrlik ataýly áleýmettik kómek berýdiń qoldanystaǵy júıesin ózgertetin zań jobasyn ázirledi, Memleket birinshi kezekte balalarǵa jáne kóp balaly otbasylarǵa kómektesedi.
Usynylyp otyrǵan jańa ustanymdar:
- kópbalaly analardy qoldaýdy;
- jańǵyrtylǵan ataýly áleýmettik kómekti;
- kepildi áleýmettik kómekti qamtıtyn bolady.
Memlekettik ataýly áleýmettik kómek alýshy otbasylardaǵy balalarǵa zattaı qoldaýdy qamtıtyn áleýmettik kepildendirilgen paketti berý usynyldy. Mektepke deıingi jastaǵy balalar tamaqpen, gıgıenalyq quraldarmen jáne bilim berý qyzmetterimen qamtamasyz etilmek.
Al oqýshy balalar úshin mektepterde tegin ystyq tamaq, kúndelikti mektepke deıingi jol, sondaı-aq mektep formasy men oqý quraldary memleket esebinen beriledi.
