Memleket basshysy «Qazaqstan Respýblıkasynyń keıbir zańnamalyq aktilerine qylmystyq, qylmystyq-prosestik zańnamany jetildirý jáne jeke adam quqyqtarynyń qorǵalýyn kúsheıtý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy.
Zań Memleket basshysynyń zorlaý, brakonerlik, mal urlyǵy, esirtki taratý, ósimdikter men janýarlar dúnıesin qorǵaý jónindegi ınspektorlardyń, qoryqshylyq qyzmetiniń ómirine qol suǵýshylyqtar, mas kúıinde kólik quraldaryn júrgizý, sondaı-aq birqatar ózge de aýyr quqyq buzýshylyqtar úshin jaýapkershilikti kúsheıtý týraly tapsyrmalaryn iske asyrýǵa baǵyttalǵan.
Sonymen qatar Zańda bala asyrap alýǵa járdem kórsetý jónindegi uıymdardyń jumys isteýi úshin quqyqtyq jaǵdaılar jasaýǵa, sheteldikterdi mindetti tirkeýdiń kúshin joıýǵa, qylmystyq jáne qylmystyq is júrgizý zańnamasyn olardy qoldaný praktıkasy monıtorınginiń qorytyndysy boıynsha odan ary jetildirýge baǵyttalǵan normalar kózdelgen.
Zańnyń mátini baspasózde jarııalanady.
Sondaı-aq Memleket basshysy «Qazaqstan Respýblıkasynyń keıbir zańnamalyq aktilerine pedagog mártebesi, oqýshy men muǵalimge júktemeni tómendetý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna;
Memleket basshysy «Qazaqstan Respýblıkasynyń keıbir konstıtýsııalyq zańdaryna ózgerister men tolyqtyrýlar engizý týraly» Qazaqstan Respýblıkasynyń Zańyna;
Memleket basshysy «Qazaqstan Respýblıkasynyń keıbir zańnamalyq aktilerine jer qoınaýyn paıdalaný, gaz jáne gazben jabdyqtaý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy.
