Kópten kútken turǵyn úı kesheni berildi

Turǵyn úı kesheniniń ashy­lýy­na Nur-Sultan qalasy áki­mi­niń orynbasary Altynbek Qaı­sa­ǵa­lı­ev qatysty.

«Jańa jyl qarsańynda kópten beri armandap kút­ken páter­le­ri­ńizge qol jetkiz­genderińiz biz úshin úlken qýa­nysh. Osydan jeti jyl buryn qurylysy bastalǵan turǵyn úı keshenine 200-den astam otbasy qarjy salǵan. Tuńǵysh Prezıdent – Elbasy Nursultan Nazarbaev pen Memleket basshysy Qasym-Jomart Toqaevtyń qoldaýymen jáne Úkimet bas­shy­synyń jetekshiligimen arna­ıy qarajat bólinip, sonyń nátı­je­sinde bul úıdiń qurylysy aıaqtal­dy», dedi ol.

Osydan keıin saltanatty túr­de turǵyn úı kesheniniń kilti ta­bys etildi. Buǵan qosa «Nurly jer» baǵ­darlamasyna qatysyp, turǵyn úı kesheniniń aıaqtalýyna tikeleı sebepker bolǵan kompanııa basshylaryna qala áki­miniń alǵys haty tabystaldy. Jıynda sóz alǵan qurylys koope­ratıviniń basshysy Gúlnár Qasymova qala ákiminiń qurylys barysyn árdaıym baqy­laý­da ustaǵanyn atap ótti.

«Biz 2012 jyly «Azbýka jılıa» kompanııasyna aqshamyzdy sal­ǵannan keıin 2013 jyly jańa úıi­miz­ge kóshýimiz kerek bolatyn. О́ki­nishke qaraı, kompanııa basshylary óz mindetterin oryndamaı, qaltalaryna aqsha túsken soń shetel asyp qashyp ketti. Sodan elorda ákimdigine shaǵymdanyp barǵanymyzda qala basshylyǵy turǵyn úı keshenin «Orda ınjınerıng» uıymyna tapsyrdy. Biraq bul kompanııa sotpen jeńip alǵan aktıvterimizdi satyp, qurylysty aıaqtamaı ketti. Kóp uzamaı memleket tarapynan «Nurly jer» baǵdarlamasy jarııalanyp, sonyń aıasynda problemaly úıimiz «Elorda qurylys kompanııasyna» be­kitildi. Tender jarııalanyp, baspanamyzdy «Merkýrıı jáne K» uıymy aıaqtady. Bizdiń jaǵ­daıymyzdy nazardan tys qaldyrmaǵan Prezıdentimizge, Nur-Sultan qalasynyń ákim­digine alǵysymyz sheksiz», dedi jańa baspana ıeleri.

Aıta keteıik, «Komfort De Lıýks» turǵyn úı kesheni óz min­detin tolyq aıaqtamaǵan qury­lys­shylardyń kesirinen 2015 jyly problemaly turǵyn úı­le­rdiń qataryna engizilgen bola­tyn. 2018 jyly Nur-Sultan qalasy ákimdiginiń janyndaǵy tur­ǵyn úı qurylysyna úlestik qa­tysý máseleleri jónindegi ve­dom­stvoaralyq komıssııa «Nurly jer» baǵdarlamasy aıasynda qurylysty aıaqtaý úshin «Elorda qurylys kompanııasy» JShS ýákiletti uıymyna usynylǵan. Keshen 20 qabattan turady.