Keshki saǵat 19.35 shamasynda aýdandyq aýrýhanaǵa jyrtqysh tyrnaǵynan jaralanǵan adam týraly habar túsken. Zardap shekken jas jigitke jedel medısınalyq kómek kórsetildi.
Aýyl turǵyndarynyń aıtýynsha, jyrtqysh ań eldi meken kóshesine erkin kirip, kóshedegi júrginshige oqystan shapqan. Jerlesteriniń janushyrǵan daýsyn estigen adamdar lezde jınalyp, qasqyrdan arashalap alypty. Azýyly jyrtqysh jas jigittiń qolyn tistep, bet-júzin tyrnap úlgergen. Kómekke umtylǵan adamdar qasqyrdy aǵash toqpaqpen uryp óltiripti. Turǵyndar ańnyń óleksesin mal dárigerlik qyzmetke tapsyrǵan. Jabaıy qasqyrdyń qutyrma aýrýyna shaldyqqany jaıynda boljam bar.
