Jaıly ári qatty dybys shyǵarmaıtyn elektrli avtobýstardyń artyqshylyǵy atmosferaǵa zııandy qaldyq shyǵarmaıdy, sondaı-aq únemdi. Iаǵnı dızeldi qozǵaltqyshpen salystyrǵanda avtobýs parkine 80 % janarmaıdy únemdeýge múmkindik beredi.
«Elektrli avtobýstar sonymen qatar qyzmet kórsetýde de erekshelenedi. Onda maı aýystyrý, basqa da suıyqtyq aýystyrýdyń qajeti bolmaıdy. Paıdalanýǵa berilgennen keıingi shyǵyny 80 paıyzǵa deıin únemdeledi. Eger dızeldegilerdiń shyǵyny táýligine 22-25 myń teńgeni qurasa, elektrobýstardyń shyǵyny odan 4-5 esege az bolady. Konstrýksııany táýligine bir ret túngi ýaqytta ǵana qýattaý jetkilikti. Iаǵnı avtobýsty kúndizgi ýaqytta qýattaýdyń qajeti joq, ol bir kúnge tolyq jetedi» dedi «Astana LRT» JShS basqarma tóraǵasynyń orynbasary Baýyrjan Seıitov.
Jańa avtobýstar ıntellektýaldy baqylaý júıesimen, múmkindigi shekteýli jandarǵa arnalǵan pandýstarmen jáne balasy bar jolaýshylarǵa arnalǵan oryndarmen qamtamasyz etilgen. Sol sııaqty onyń taǵy bir ereksheligi – oryndyqtardyń tusynda mobıldi telefondardy qýattaýǵa arnalǵan jalǵaǵyshtar ornatylǵan. ⠀
Elektroavtobýstar qazaqstandyq «SaryarkaAvtoProm» kompanııasynda qurastyrylǵan. Jańa avtobýstar avtoparkti jańartýǵa, aıaldamalardaǵy kútý ýaqytyn, ıntervaldy azaıtýǵa múmkindik beredi.
