«Búgin tańerteń elordadaǵy travmatologııa jáne ortopedııa ǵylymı-zertteý ınstıtýtyna bardym. Ortalyqta Almaty mańyndaǵy ushaq apatynynan zardap shekken adam jatyr. Ol keshe saǵat 14:40-ta sanavıasııamen jetkizildi» dep jazdy Eljan Birtanov.
Onyń aıtýynsha, zardap shekken áıeldiń jaǵdaıy ortasha aýyr, kóp jaraqat alǵan jáne kóp qan joǵaltqan.
«Onyń ómirine qaýip tónip turǵan joq. Ortalyq mamandary barlyq qajetti tekserýden ótkizip, ota jasaýǵa daıyndady. Ulttyq travmatologııa jáne ortopedııa ortalyǵynyń dırektory, professor Nurlan Batpenovtyń qatysýymen ota arqyly emdeýdiń birinshi kezeńi júzege asty. Qazirgi ýaqytta NIIITO dırektory, professor Nurlan Batpenovtyń qatysýymen ota jasaý arqyly emdeýdiń birinshi kezeńi júzege asty» deıdi mınıstr.
Ushaq apatynan zardap shekkenderdiń barlyǵyna qajetti em kórsetilgenin aıta ketý kerek.
«Oǵan respýblıkalyq ǵylymı-zertteý ınstıtýttar men ortalyqtardyń úzdik mamandary tartyldy. Zardap shekkenderdiń jaǵdaıy meniń jeke baqylaýymda» deıdi ol.
Sondaı-aq mınıstr atalǵan ortalyqtyń jansaqtaý jáne ıntensıvti terapııa bóliminde aýyr jaǵdaıda jatqan taǵy eki naýqastyń emdeý kezeńimen tanysqan.
«Onyń biri - jol apatynan jaraqat alǵan 1961 jylǵy áıel. Ol ortalyqqa sanavıasııamen jetkizilgen. Naýqastyń jaǵdaıy ortasha aýyr, jaqsarý úrdisi baıqalady. Reanımasııadan mamandandyrylǵan bólimge aýystyrý josparlanyp jatyr. Jambas súıekterine ota jasalady. Úshinshi naýqas - 2019 jyldyń 29 jeltoqsanynda óte aýyr jaǵdaıda aýrýhanaǵa túsken. Ol da jol-kólik oqıǵasynan jaraqat alǵan. Qarqyndy terapııa júrgiziledi» dep jazdy Eljan Birtanov Facebook paraqshasynda.
