«Mindetti áleýmettik medısınalyq saqtandyrý» qory Almaty oblystyq fılıalynyń málimeti boıynsha jańa jyldan bastap Jetisý turǵyndarynyń 80,6 prosenti mindetti jarna tóleýge qabiletin rastaǵan. Al 27 863 adam medısına mekemelerine tirkelmegen.
О́kinishke qaraı, osynsha turǵynnyń basy aýyryp, baltyry syzdaı qalsa, alǵashqy dárgerlik kómekten basqa medısınalyq qyzmet túrine qol jetkize almaıtyny belgili bolyp otyr. Al balalar, júkti áıelder, jumyssyz retinde resmı tirkelgen tulǵalar, 3 jasqa deıin bala tárbıesimen aınalysýshy ata-ana, múgedektik taǵaıyndalǵan jandar, múgedekti kútip,baǵatyn qamqorshy, soǵys ardagerleri, kóp balaly analar jáne taǵy da arnaıy áleýmettik jeńildigi bar adamdar úshin medısınalyq qyzmet kórsetýdi qarjylandyrý memleket esebinen júrgiziledi.
Aıtpaqshy, buǵan deıin oblysta turǵylyqty jeri boıynsha emhanaǵa tirkelgen adamdardyń úlesi 90 prosentke jetkeni aıtylǵan edi. Biraq, jyl sońyna deıin turaqty medısınalyq tirkeýi joq 100 214 turǵynnyń arasynda áli de 27 863 adamnyń bar ekeni belgili boldy.
