Osy jıyn barysynda respýblıkamyzdyń bas komandasy eki joldastyq kezdesý ótkizýdi josparlap otyr. Atap aıtsaq, 27 naýryzda Lıtva jáne 30 naýryzda Armenııa fýtbolshylarymen sheberlik baıqasamyz.
Baltyq jaǵalaýynyń ókilderi qazirgi kezde FIFA reıtınginde jerlesterimizden 13 saty tómen tur. Iаǵnı, biz – 118, al olar – 131-oryndy ıelenýde. Qazirgi kezde Valdas Ýrbonas baptaıtyn aıtýly komanda sapynda Eýropanyń jasyl alańjarynda asqan sheberligimen oqshaýlanyp júrgen oıynshynyń joq ekenin aıta keteıik.
Qazaqstan nemese Lıtvamen salystyrǵanda, Armenııa quramasynyń jaǵdaıy birshama jaqsy. FIFA reıtınginde olar 102-oryndy enshileýde. Bul komandanyń búgingi tańdaǵy basty juldyzy Genrıh Mhıtarıan ekeni daýsyz. Ár jyldary Doneskiniń «Shahter», Dortmýndtyń «Borýssııa» jáne Anglııanyń «Manchester Iýnaıted» pen «Arsenal» klýbtarynda jasyndaı jarqyraǵan ol bul kúnderi Italııanyń «Romasynda» tabysty óner kórsetip júr.
