Depýtattar sapar barysynda qalanyń áleýmettik-ekonomıkalyq jaǵdaıymen tanysyp, birqatar óndiristik jáne áleýmettik nysandardy aralady. Senatorlar eńbek ujymdarymen júzdesýlerde Parlament qabyldaǵan zańdardyń mazmunyn, rýhanı jańǵyrý jáne ulttyq qundylyqtardy saqtaý máselelerin talqylady.
Bektas Beknazarov «Pedagog mártebesi týraly» zańy men basqa da zańnamadaǵy ózgeristerdi keńinen túsindirý maqsatynda qaladaǵy bilim berý salasynyń qyzmetkerlerimen kezdesti. Joǵarǵy palata tóraǵasynyń orynbasary jańa zańdaǵy artyqshylyqtarǵa toqtalyp, muǵalimderdiń kásibı qyzmetindegi quqyqtary men mindetterine egjeı-tegjeıli toqtaldy.
«О́tken jyly Senat pen Májilis halyqtyń turmys sapasyn jaqsartýǵa jol ashatyn 83 zańdy qabyldady. Qos palata depýtattary zań shyǵarý jumysynda Tuńǵysh Prezıdent – Elbasynyń áleýmettik strategııalyq bastamalary men Prezıdenttiń halyqty qoldaýǵa arnalǵan tapsyrmalaryn negizge aldy. Eń bastysy qabyldanǵan barlyq qujat azamattardy qoldaýǵa jáne qorǵaýǵa arnaldy», – dep atap ótti Senat Tóraǵasynyń orynbasary.
Shymkent qalasynyń ákimi Erlan Aıtahanov jumys babyndaǵy kezdesý aıasynda depýtattardy shahardyń 2019 jylǵy áleýmettik-ekonomıkalyq damýyndaǵy negizgi qorytyndylarmen tanystyrdy. Sonymen qatar qala basshysy ónerkásip pen bilim berý, densaýlyq saqtaý jáne mádenıet salalarynda atqarylǵan jumystar jaıy men megapolısti damytý baǵytyndaǵy bıylǵy jylǵy josparlarmen bólisti.
Senatorlar 3 myńnan astam halyq turatyn «Badam» turǵyn úı alabyndaǵy ınjenerlik ınfraqurylym jaǵdaıymen tanysty. Turǵyn alabyn elektr qýatymen jáne tabıǵı gaz, aýyz sýmen qamtý, sonymen birge jol máselesin sheshý úshin memlekettik bıýdjetten tıisti qarjy bólingen bolatyn. Jyl sońyna deıin «Badam» turǵyn úı alabynyń kommýnaldyq problemasy tolyǵymen sheshiledi dep josparlanýda.
B.Beknazarov árbir depýtat óńirdiń damýy tejelip jatsa, bıýdjettiń qarjysy óz maqsatyna jumsalmaǵan jaǵdaıda, depýtattyq saýal joldanýy tıis ekenin atap ótti.
