Rýhanııat • 14 Qańtar, 2020

Taǵylymy mol maqala

103 ret kórsetildi

Bir ǵasyr buryn halqymyzǵa jón siltegen Abaıdaı tulǵanyń taǵylymy búgin de mańyzyn joımady. Onyń bilim men ǵylymǵa shaqyrǵan óleńderi men qara sózderinde ult bolmysy aıqyn kórinis tabady.

Osy oraıda Memleket basshysy «Abaı jáne XXI ǵasyrdaǵy Qazaqstan» atty maqalasynda Abaı murasynyń elimizge tıgizer paıdasy zor dep esepteıdi. Prezıdent Abaıdyń oı-tujyrymdaryn negizge ala otyryp memleketimizdi damytý kerek ekenin aıtady.

Qasym-Jomart Toqaev maqalada Abaıdyń kóp til bilgenin negizdeı kele, búgingi urpaqqa shet tilderdi úırený kerektigin aıtady. Damyǵan elderdiń tili men mádenıetin bilý úshin, onyń qyr-syryn uǵyný úshin eń áýeli onyń tilin meńgerý kerek. Aldaǵy ýaqytta Abaıdyń qara sózderi men shyǵarmalary on shaqty tilge tárjimalanatyny erekshe qýantty. Bul arqyly ózge memleketter de Abaı murasymen tanysa alady. Sheteldikter bizdi Abaıdyń eli dep tanyp jatsa nur ústine nur bolar edi. Sondyqtan Abaıdyń taǵylymdaryn birinshi orynǵa qoıý kerek. Bul jaıynda Qasym-Jomart Toqaev maqala­syn­da baıypty saralanǵan. Prezıdent Abaıdyń halqynyń jetilgenin qalaıtyndyǵyn shyǵarmalarynan úzindiler bere otyryp, keremet mysaldarmen baıandaǵan.

Sondaı-aq maqalada Abaı shy­ǵarmalary arqyly sanany jań­ǵyrtý kerektigi jazylǵan. Abaı­dy tereńdep bilý ásirese jas­tar úshin qajet ekenin Mem­leket basshysy astyn syzyp aıtypty. Menińshe, bul – naǵyz baǵdarlamalyq maqala. Bul – eldi, jastardy tárbıeleıtin taǵylymdy maqala. Úlgi beretin dúnıe. Tereń oı tur, tereń izdenisterge jol silteıdi.

Sonymen qatar, maqalada mádenı sharalarǵa da erekshe mán beriletini jazyl­ǵan. Aldaǵy ýaqytta negizgi ózegi Abaı taqyrybyna arna­latyn respýblıkalyq jáne ha­lyqaralyq deńgeıde teatr jáne mýzyka festıval­dary ótedi. Odan bólek, Abaı­dyń týǵan jerindegi tarıhı-má­denı nysandar jańa talapqa saı jańǵyrtylyp, uly aqyn­nyń mereıtoıyna keletin jurt­shylyqqa qolaıly jaǵdaı jasalatyn bolady.

 

Ádil AHMETOV,

qoǵam qaıratkeri, fılologııa ǵylymdarynyń doktory, professor

Sońǵy jańalyqtar

Tergeýshilerdiń ustazy ulyqtaldy

Aımaqtar • Búgin, 19:35

Reseı ınvestorlary Atyraýǵa bet burdy

Aımaqtar • Búgin, 16:56

Erteń Úkimet otyrysy ótedi

Úkimet • Búgin, 15:17

Qýatty qurylymnyń shýaqty merekesi

Qazaqstan • Búgin, 14:15

Naýryz aıynda aýa raıy qandaı bolady?

Aýa raıy • Búgin, 13:30

Uqsas jańalyqtar