Orta salmaqta WBC (USNBC) nusqasy boıynsha chempıondyq ataqtyń ıegeri Meıirim Nursultanov toǵyzynshy orynnan segizinshige kóterilse, Jánibek Álimhanuly birden úsh satyǵa joǵarlady. WBC Continental Americas jáne WBO Global tujyrymdarynyń altyn belbeýlerin ıelenip otyrǵan qandasymyz bul kúnderi 12 orynǵa jaıǵasty. Qazirgi kezde dáp osy jigitterge barsha qazaq jankúıerleri úlken senim artyp otyr. Olardyń biz kásipqoı bokstyń shyńynan kórgimiz keledi. Tipten, osy salanyń basy-qasynda júrgen maıtalman mamandardyń ózderi Meıirim men Jánibektiń keleshegi jarqyn ekenine kámil senedi.
Al jartylaı orta salmaqtaǵy Nursultan Janabaev pen birinshi jartylaı orta salmaqtaǵy Batyr Júkembaev óz pozısııalaryn saqtap qaldy. Biri – segizinshi, ekinshisi – 12 satyǵa taban tirep tur.
