Keshe Premer-Mınıstr Serik Ahmetov «Qazaqstan temir joly» UK» AQ-tyń Kólik qyzmetkerleri kúnine arnalǵan saltanatty jıynyna qatysty. Temirjolshylardy kásibı merekesimen quttyqtaǵan Úkimet basshysy bir top sala mamandaryna nagradalar tapsyrdy.
Keshe Premer-Mınıstr Serik Ahmetov «Qazaqstan temir joly» UK» AQ-tyń Kólik qyzmetkerleri kúnine arnalǵan saltanatty jıynyna qatysty. Temirjolshylardy kásibı merekesimen quttyqtaǵan Úkimet basshysy bir top sala mamandaryna nagradalar tapsyrdy.
Memleket basshysy qoıǵan tapsyrmalarǵa oraı temirjol salasynda júzege asqan sharalar az emes. Jalpy, sizderdiń salalaryńyz el keńistigindegi ekonomıkanyń tutastyǵyn qamtamasyz etýshi ınfraqurylymdyq negiz bolyp tabylady, dedi S.Ahmetov. Sondaı-aq, Premer-Mınıstr elimizde táýelsizdik jyldary salynǵan temir joldar týraly aıtty. Rasynda osy jyldar aralyǵynda TMD elderiniń ishinde eń kóp temir jol tósegen Qazaqstan ekeni málim. Osy kúnge deıin táýelsiz elimiz 2500 shaqyrym jańa temir jol jelisin tartty.
Memleket basshysynyń tapsyrmasymen temirjol qyzmetin paıdalanýshylardy zamanaýı qozǵalys quramymen qamtamasyz etý júktelgen. Bul tapsyrma sizderdiń taraptaryńyzdan tabysty oryndalyp jatyr, dedi S.Ahmetov.
Temirjol kóligi salasynda jańǵyrtý jáne ındýstrııalandyrý kezeńi ótip jatqanymen, kompanııanyń kapıtaly bolyp bilikti mamandar sanalady. Sondyqtan, merekelik shara barysynda túrli eńbek ozattary marapattaldy.
«QTJ» UK» AQ 2011-2012 jyldary elimizdiń Indýstrııalandyrý kóshbasshysy atandy. Jezqazǵan-Beıneý, Arqalyq-Shubarkól temirjol jelileriniń qurylysy belgilengen kestege saı júrgizilýde. Jyl aıaǵyna deıin eki telimde de basty magıstraldyq jelini tóseý jumysyn aıaqtaý kózdelýde. 2014 jyldyń shildesine deıin kompanııa Aqtóbede rels shyǵara bastaıdy. Al kelesi jyldyń aıaǵyna deıin Astanadaǵy «Gevo» kompanııasynyń alǵashqy dızel qozǵaltqyshy shyǵarylady. Qazirgi tańda О́skemende «Shyǵysmash zaýyty» iri vagon quımasy kásipornyn montajdaý jáne ishki qurylysyn aıaqtady. Bir jyl kóleminde QTJ óziniń ishki resýrsy esebinen osy ónim túrimen temirjol salasyn tolyǵymen qamtıtyn bolady.
Sala mamandarynyń jaýapkershiligi men biliktiligi, el aldyndaǵy qyzmeti Úkimet basshysynyń nazarynan tys qalmady. Sizderdiń eńbekterińiz Qazaqstan Respýblıkasy ekonomıkasynyń turaqty damýynyń negizi bolǵan, budan bylaı da solaı bolyp qala beredi, dep sózin aıaqtady S.Ahmetov.
Saltanatty jıynnyń sońy merekelik konsertke ulasty.
Nurbaı ELMURATOV,
«Egemen Qazaqstan».
