Shildede ónerkásip ónimderin óndirýshi kásiporyndar baǵasy 1,8 paıyzǵa joǵarylady. Bul týraly Statıstıka agenttiginiń baspasóz qyzmetinen habarlandy. Agenttik málimetterine qaraǵanda, aǵymdaǵy jylǵy shildede maýsymmen salystyrǵanda, baǵa ken óndirý ónerkásibinde 2,9 paıyzǵa kóterilse, óńdeý ónerkásibinde 0,7 paıyzǵa tómendegen.
Shildede ónerkásip ónimderin óndirýshi kásiporyndar baǵasy 1,8 paıyzǵa joǵarylady. Bul týraly Statıstıka agenttiginiń baspasóz qyzmetinen habarlandy. Agenttik málimetterine qaraǵanda, aǵymdaǵy jylǵy shildede maýsymmen salystyrǵanda, baǵa ken óndirý ónerkásibinde 2,9 paıyzǵa kóterilse, óńdeý ónerkásibinde 0,7 paıyzǵa tómendegen.
Baıqońyrdaǵy apat úshin «Roskosmos» basshysy sógis aldy. Reseı Premer-mınıstri Dmıtrıı Medvedev «Roskosmos» basshysy Vladımır Popovkınge mindetin laıyqty deńgeıde atqarmaǵany úshin sógis jarııalady.
Shyǵys Qazaqstanda 27 myńnan astam bala memleketten jáne mesenattardan kómek aldy. Osyǵan qatysty «Mektepke jol» aksııasy aıasyna turmysy tómen otbasylardan shyqqan mektep oqýshylary, ata-anasynyń qaraýynsyz qalǵan jáne múgedek balalar qatysty.
Ońtústik Qazaqstan oblysynyń Ordabasy aýdanynda jyl basynan beri 11 mlrd. 450 mln. teńgeniń ónimi óndirildi. Aýdanda jumys saparymen bolǵan oblys ákimi Asqar Myrzahmetov ortalyqqa jaqyn turǵan aýdannyń múmkindigi budan zor ekenin eske saldy. Sonyń aıǵaǵyndaı, óńirde úsh baǵyt boıynsha ınvestısııany ıgerý 3,8 mlrd. teńgege oryndalǵan.
Aqtaýda halyqqa qyzmet kórsetý ortalyǵyn jańǵyrtý júrip jatyr. Taıaý aralyqta munda 35 túrli jańa memlekettik qujattardy zańdastyryp berý júzege asyrylady.
Keshe Qostanaıda 19 sheneýnik «halyqqa adal qyzmet etýge» ant berdi. Rásimge jaqynda taǵaıyndalǵan aýdandar men qalalardyń ákimderi, sondaı-aq oblys ákimi apparatynyń jetekshisi Arman Ábenov qatysty.
Qyzylorda oblysynda «Aq bulaq» baǵdarlamasy aıasynda 7,5 mlrd. teńgeden astam qarjy ıgeriledi. Budan bólek, respýblıkalyq bıýdjetten aýyz sýdyń qyzmet qunyn sýbsıdııalaýǵa 880 mln. 666 myń teńge qarastyrylatyn bolady.
«QazAqparat», «Qazaqstan jańalyqtary», Bnews.kz,
TengriNews, EgemenNews habarlary boıynsha daıyndaldy.
