Keshe Premer-Mınıstr Serik Ahmetov «Qoljetimdi turǵyn úı-2020» baǵdarlamasyn júzege asyrý, qurylys ındýstrııasyn damytý jáne oraq naýqanyn ótkizý máseleleri boıynsha selektorlyq rejimde keńes ótkizdi, dep habarlady Premer-Mınıstrdiń baspasóz qyzmeti.
«Qoljetimdi turǵyn úı-2020» baǵdarlamasynyń júzege asý barysy týraly О́ńirlik damý vıse-mınıstri S.Nokın baıandady.
Keshe Premer-Mınıstr Serik Ahmetov «Qoljetimdi turǵyn úı-2020» baǵdarlamasyn júzege asyrý, qurylys ındýstrııasyn damytý jáne oraq naýqanyn ótkizý máseleleri boıynsha selektorlyq rejimde keńes ótkizdi, dep habarlady Premer-Mınıstrdiń baspasóz qyzmeti.
«Qoljetimdi turǵyn úı-2020» baǵdarlamasynyń júzege asý barysy týraly О́ńirlik damý vıse-mınıstri S.Nokın baıandady.
Ústimizdegi jyldyń alty aıynda qarjylandyrýdyń barlyq kózderi boıynsha 3 mln. sharshy metr turǵyn úı paıdalanýǵa berildi, ol jyldyq jospardyń 46 paıyzy. Salynǵan turǵyn úılerdiń jalpy kóleminiń 60 paıyzdan astamy nemese 1,8 mln. sharshy metri jeke qurylys salýshylar úlesine tıesili, dedi S.Nokın.
Onyń aıtýynsha, kezekte turǵandar úshin arendalyq turǵyn úı salýǵa 2013 jylǵa 17,5 mln. teńge qarastyrylǵan. Eger buǵan deıin jyl saıyn shamamen 2-2,5 myń páter salynsa, bıyl jalpy alańy 285 myń sharshy metrdi quraıtyn 4 myń páter salý josparlanyp otyr. Is júzinde jartyjyldyqtyń qorytyndysy boıynsha kólemi 38,4 myń sharshy metrdi quraıtyn arendalyq turǵyn úıde 632 páter paıdalanýǵa berildi, bul jyldyq jospardyń 13 paıyzy. Ákimdikterdiń aqparattary boıynsha turǵyn úılerdi iske qosýdyń negizgi bóligi 3-4 toqsandarǵa belgilenip otyr, dedi S.Nokın.
Jas otbasylar úshin arendalyq turǵyn úıler salýǵa 2013 jylǵa 10 mlrd. teńge qarastyrylǵan. 117 myń sharshy metr turǵyn úı salý josparlanǵan, al 6 aıda kólemi 19,3 myń sharshy metrdi quraıtyn 314 páter salyndy, bul josparlanǵan qurylystyń 17 paıyzy. Turǵyn úılerdi negizgi iske qosý ústimizdegi jyldyń 3-4 toqsandaryna josparlanyp otyr.
Turǵyn úı qurylys jınaq salymdary jelisi boıynsha 2013 jyly 451,5 myń sharshy metr turǵyn úı salý josparlanǵan. Esepti kezeńde 80 myń sharshy metr nemese 1200 páter salyndy. Osy maqsattar úshin ústimizdegi jylǵa 30,1 mlrd. teńge qarastyrylǵan.
Baǵdarlamada 2013 jyly 6,6 mln. sharshy metr kóleminde turǵyn úı salý kózdelgen. Degenmen, biz ótken jylǵydan kem emes kólemdi – 6,8 mln. sharshy metr deńgeıindegi kólemdi qamtamasyz etýge múmkindik bar dep esepteımiz, dep habarlady vıse-mınıstr.
Sondaı-aq, osy másele boıynsha «Turǵynúıqurylysjınaqbanki» AQ-tyń basqarma tóraıymy N.Naýryzbaeva, «QTQK» AQ basshysy Q.Aıtekenov, «Samuryq-Qazyna» UÁQ» AQ basqarma tóraǵasynyń orynbasary D.Erdebaı, sondaı-aq birqatar oblystar ákimderi sóz sóıledi. Qurylys ındýstrııasyn damytý máselesi boıynsha Indýstrııa jáne jańa tehnologııalar birinshi vıse-mınıstri A.Raý baıandady.
2013 jyldyń jospary 6,8 mln. sharshy metr deńgeıinde oryndalýy tıis, dep atap kórsetti S.Ahmetov.
Osy oraıda ol О́ńirlik damý mınıstrligine baǵdarlamanyń barlyq baǵyttar boıynsha oryndalýyna turaqty monıtorıng pen qatań baqylaýdy qamtamasyz etýdi, oblystar, Astana jáne Almaty qalalary ákimderine osy aıdyń sońyna deıin bólingen qarjylardyń ıgerilýi boıynsha qatań sharalar qabyldaýdy tapsyrdy.
Ekinshi másele – oraq naýqanyn ótkizý barysy týraly Aýyl sharýashylyǵy vıse-mınıstri M.О́mirııaev habarlady.
Onyń aıtýynsha, kóktemgi dala jumystarynyń qorytyndylary boıynsha barlyq aýylsharýashylyq daqyldarynyń jalpy egistik alańy 21,4 mln. gektardy quraǵan. Ústimizdegi jyly 15,7 mln. gektardyń dándi daqyldary orylatyn bolady. 2 tamyzdaǵy jaǵdaıǵa sáıkes 525 myń gektar alqaptan 830 myń tonna astyq jınalǵan, ortasha túsim gektaryna 15,7 sentnerden kelip otyr. Bul ótken jyldyń kórsetkishinen 5,8 sentnerge joǵary.
Búgingi kúni búkil egistiktiń 67 paıyzdan astamy jaqsy, al 30 paıyzdan astamy qanaǵattanarlyq jaǵdaıda. Soǵan baılanysty jalpy astyq jınaý boljamy shamamen 16,3 mln. tonnany quramaq, dedi M.О́mirııaev.
Bıyl kóktemgi dala jumystaryn qarjylandyrýǵa «QazAgro» jelisi boıynsha 60 mlrd. teńge bólindi. Al egin orý jumystaryna 410 myń tonna jeńildikti dızel otyny bólindi.
Aldyn ala baǵalaýlar boıynsha, túsim jáne bútindeı alǵanda astyqtyń jalpy kólemi 2012 jyldyń deńgeıinen kóp bolady dep kútilýde. Úkimet oraq naýqanyn uıymdasqan túrde ótkizý úshin barlyq qajetti sharalardy qabyldady. Qazirgi qarqyndy saqtaý úshin Aýyl sharýashylyǵy mınıstrligi men óńirler ákimderine egin orý jumystarynyń barysyn únemi baqylaýda ustaý qajet, dep atap kórse tti S.Ahmetov.
Talqylaý qorytyndylary boıynsha Úkimet basshysy óńirler ákimderine aýylsharýashylyq tehnıkalaryn daıyndaý, janar-jaǵarmaımen jáne basqa da resýrstarmen qamtamasyz etý máselelerin sheshýde agrarshylarǵa yqpal jasaýdy tapsyrdy.
Kólik jáne kommýnıkasııalar mınıstrligine «Qazaqstan temir jolymen» birlesip astyq tasymaly úshin qajetti vagondar sanyn qamtamasyz etý jóninen sharalar qabyldaý, Munaı jáne gaz mınıstrligine janar-jaǵarmaıdy oblystarǵa ýaqytynda jetkizip berýdi qamtamasyz etý tapsyryldy.
