Burnaǵy kúni Qazaqstan Prezıdenti Nursultan Nazarbaev Halyqaralyq kórmeler bıýrosynyń Bas hatshysy Vısente Lossertalesti qabyldady, dep habarlady Prezıdenttiń baspasóz qyzmeti.
Kezdesý barysynda Astanada EKSPO-2017 kórmesin uıymdastyrý máseleleri, sonyń ishinde Tirkeý qujattamasyn daıyndaý prosesi talqylandy. Memleket basshysy V.Lossertalestiń Qazaqstanǵa jıi saparynyń mańyzdylyǵyn atap ótip, udaıy qoldaý kórsetip kele jatqany úshin alǵys bildirdi.
Burnaǵy kúni Qazaqstan Prezıdenti Nursultan Nazarbaev Halyqaralyq kórmeler bıýrosynyń Bas hatshysy Vısente Lossertalesti qabyldady, dep habarlady Prezıdenttiń baspasóz qyzmeti.
Kezdesý barysynda Astanada EKSPO-2017 kórmesin uıymdastyrý máseleleri, sonyń ishinde Tirkeý qujattamasyn daıyndaý prosesi talqylandy. Memleket basshysy V.Lossertalestiń Qazaqstanǵa jıi saparynyń mańyzdylyǵyn atap ótip, udaıy qoldaý kórsetip kele jatqany úshin alǵys bildirdi.
– Biz EKSPO kórmesin ótkizýdegi álemniń kóptegen memleketiniń úzdik tájirıbesine taldaý jasadyq. Osyǵan baılanysty biz úshin kórmeni ótkizý elimizge qandaı paıda ákeletini jáne ol aıaqtalǵannan keıin ne bolatyny erekshe mańyzdy. Bul másele kóptegen azamattarymyzdy tolǵandyrady. Biz qurylǵan ınfraqurylym óz qoldanysyn taýyp, elordamyzǵa jáne barsha elimizge paıdasyn tıgizýi úshin qoldan kelgenniń barlyǵyn jasaýǵa tıispiz, – dedi Qazaqstan Prezıdenti.
Nursultan Nazarbaev «jasyl» ekonomıkaǵa ótý jóninde elimiz qabyldaǵan tujyrymdama «Bolashaq energııasy» atty kórme taqyrybymen úndesetinin de atap ótti.
– Atalǵan maqsattaǵy jetistikter birqatar salalar boıynsha naqty ózgeristerge túsip, jańa ındýstrııany qalyptastyrady jáne sapaly jumys oryndary qurylady. Osynyń bári elimizdiń odan ári damýyna eleýli yqpalyn tıgizedi, – dedi Memleket basshysy.
О́z kezeginde V.Lossertales EKSPO-2017 kórmesin ótkizýge daıarlyq jasaý jóninde Qazaqstandaǵy qyzmettiń jedeldigi men tıimdiligine toqtaldy.
– Biz kórmege ýaqytyly daıyndalyp jáne ótkizý úshin belgilengen josparǵa saı jumys júrgizýdemiz. Tıimdi úılestirý bar. EKSPO-2017 kórmesin ótkizý jónindegi memlekettik komıssııa arnaıy kompanııa qurý tapsyrmasyn tabysty oryndap, qysqa merzimde tıimdi jumysty jolǵa qoıdy. Eń bastysy – barlyq qajetti qujat, sonyń ishinde Tirkeý qujattamasy is júzinde daıyn. Bıyl qujattama usynylady, odan keıin bizdiń ishki rásimder júzege asyrylady, al kelesi jyly biz tirkeýdi tolyq aıaqtaımyz, – dedi Halyqaralyq kórmeler bıýrosynyń Bas hatshysy.
Sondaı-aq, kezdesý barysynda kórmeni ulttyq deńgeıde de, halyqaralyq deńgeıde de ilgeriletýdiń mańyzdylyǵy atap ótildi.
Qazaqstanǵa sapary kezinde V.Lossertaleske Tirkeý qujattamasynyń jekelegen taraýlarynyń jumys babyndaǵy aldyn ala nusqasy, atap aıtqanda, kórmeden keıin paıdalaný jospary, kommýnıkasııalyq jospar, sondaı-aq «Bolashaq energııasy» taqyrybyn ashyp kórsetetin kórmeniń mazmuny týraly jospar tanystyryldy.
