Keshe Elbasy Nursultan Nazarbaev kólik jáne baılanys qyzmetkerlerimen qatar, ózderiniń kásibı merekesin atap ótetin temirjolshylardy quttyqtap, «Qazaqstan temir joly» UK» AQ salǵan turǵyn úı kesheninen olarǵa jańa páterlerdiń kiltin tabys etti.
Saltanatty sharada kóterińki kóńil-kúıde bolǵan Prezıdent temirjolshylardyń elimizdiń ekonomıkasynyń damýyna qosyp jatqan zor úlesin atap ótti.
Keshe Elbasy Nursultan Nazarbaev kólik jáne baılanys qyzmetkerlerimen qatar, ózderiniń kásibı merekesin atap ótetin temirjolshylardy quttyqtap, «Qazaqstan temir joly» UK» AQ salǵan turǵyn úı kesheninen olarǵa jańa páterlerdiń kiltin tabys etti.
Saltanatty sharada kóterińki kóńil-kúıde bolǵan Prezıdent temirjolshylardyń elimizdiń ekonomıkasynyń damýyna qosyp jatqan zor úlesin atap ótti.
Jyl saıyn Qazaqstanda 1500 shaqyrymnan asa avtomobıl joldary jóndeýden ótkiziledi. Sondaı-aq, 1200 shaqyrym jańa temir jol jelileri tartylady, dedi Prezıdent. Birde-bir postkeńestik elde táýelsizdik jyldary mundaı kólemde jol salynǵan joq. Sonymen qatar biz vagondar men lokomotıvter qurastyratyn óz zaýytymyzdy salyp, endi olardyń ónimderin eksportqa shyǵara bastadyq. Búgingi kúni barlyq jolaýshy jáne júk tasymalynyń ishindegi eń úlken úles temirjolǵa tıesili. Sonyń bári sizderdiń eńbekterińizdiń arqasynda qol jetkizilgen tabystar.
Qadirmendi temirjolshylar, men sizderdi jeksenbi kúni atalyp ótetin kásibı merekelerińizben quttyqtaımyn, dedi ári qaraı N.Nazarbaev.
– Sonyń qarsańynda qýanyshtaryńyzǵa qutty bolsyn aıtaıyn dep ádeıi kelip turmyn. Búgin sizder teńdesi joq ádemi páterler alatyn bolasyzdar. Men sizderge osy baspanalardyń kiltterin tapsyrý úshin keldim.
Elbasynyń qolynan birqatar óndiris ozattary men temir jol salasynyń úzdik uıymdastyrýshylary jańa páterlerdiń kiltin aldy. Osy oraıda Nursultan Ábishuly óziniń úzdik metallýrg retinde alǵan alǵashqy páterin eske aldy. Ol «hrýshevkadaǵy» bar bolǵany 27 sharshy metrlik uıashyq edi. Sonyń ózine biz máz bolyp, ózimizdi baqytty sanaǵan edik. Sondyqtan men páter alýdyń qanshalyqty úlken qýanysh ekenin bilemin. Onyń ústine sizder barynsha qolaıly, keń, bıik, jaryq páter alyp jatyrsyzdar, dedi Memleket basshysy.
Elbasy N.Nazarbaev jańa qonys ıeleriniń biri Syzdyqovtardyń páterinde bolyp, olardyń qýanyshtarymen bólisti.
Bul «Qazaqstan temir joly» UK» AQ 2012 jyldan bastap sala bastaǵan 548 páterli turǵyn úı kesheninen berilgen páterler. Ázirge onyń birinshi kezegi aıaqtaldy, al 441 páterli ekinshi kezegi 2014 jyly paıdalanýǵa beriletin kórinedi. Ulttyq kompanııa óńirlerde salynyp jatqan temir jol magıstraldarynyń boıyndaǵy stansalar men beketterge de jaıly páterler salýdy jalǵastyryp otyr. Máselen, «Jezqazǵan – Beıneý» temirjolynyń boıyna 1482 turǵyn úı saldy. Al jańadan turǵyzylyp jatqan «Arqalyq – Shubarkól» jelisiniń boıyna 157 páter salynbaq.
Jaqsybaı SAMRAT,
«Egemen Qazaqstan».
-----------------------------------------
Sýretterdi túsirgender
S.BONDARENKO, B.OTARBAEV.
