Búgin Soltústik Koreıanyń úkimeti Shyǵys Azııa chempıonatynda jeńiske jetken fýtboldan áıelder quramasynyń múshelerine «Okrıo» restoranynda qurmet kórsetti. Bul týraly ITAR-TASS habarlady.
Týrnır Ońtústik Koreıanyń Seýl jáne Hvason qalalarynda 20-28 shilde aralyǵynda ótti. Onyń barysynda KHDR qyzdary Koreıa respýblıkasynyń quramasyn 2:1, Qytaı komandasyn 1:0 etip utyp, japon jasaǵymen 0:0 esebimen teń oınady.
Qonaqasy kezinde Koreıa Eńbek partııasynyń hatshysy Kım Ion Chjın sportshylarǵa arnap sóz sóılegen. Sózinde ol qyzdardy «halyq pen armııany osyndaı jeńisimen qýandyra berýge» shaqyrǵan. Oǵan jaýap sózinde fýtbolshy qyz Ra Ý Sın eldiń dańqyn asyrý úshin budan da zor jeńisterge jete beretinderine sendirgen. Ol Kım Chen Yn joldastyń zor qamqorlyǵy arqasynda buǵan qol jetkizýge bolatynyn jetkizdi.
Bul Soltústik Koreıa qyzdarynyń Ońtústik Koreıa alańdarynda sońǵy tórt jyldan beri birinshi ret óner kórsetýi boldy.
Murat Aıtqoja.
