2013 jylǵy 30 sáýir Astana, Úkimet Úıi
«Bastapqy medısınalyq-sanıtarııalyq kómek kórsetý qaǵıdalaryn jáne Azamattardy bastapqy medısınalyq-sanıtarııalyq kómek uıymdaryna bekitý qagıdalaryn bekitý týraly» Qazaqstan Respýblıkasy Úkimetiniń 2011 jylǵy 1 qarashadaǵy № 1263 qaýlysyna ózgerister men tolyqtyrýlar engizý týraly
2013 jylǵy 30 sáýir Astana, Úkimet Úıi
«Bastapqy medısınalyq-sanıtarııalyq kómek kórsetý qaǵıdalaryn jáne Azamattardy bastapqy medısınalyq-sanıtarııalyq kómek uıymdaryna bekitý qagıdalaryn bekitý týraly» Qazaqstan Respýblıkasy Úkimetiniń 2011 jylǵy 1 qarashadaǵy № 1263 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Bastapqy medısınalyq-sanıtarııalyq kómek kórsetý qaǵıdalaryn jáne Azamattardy bastapqy medısınalyq-sanıtarııalyq kómek uıymdaryna bekitý qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 1 qarashadaǵy № 1263 qaýlysyna (Qazaqstan Respýblıkasynyń PÚAJ-y, 2011 j., № 60, 861-qujat) mynadaı ózgerister men tolyqtyrýlar engizilsin:
1) kórsetilgen qaýlymen bekitilgen Bastapqy medısınalyq-sanıtarııalyq kómek kórsetý qaǵıdalary:
mynadaı mazmundaǵy 13-1, 14-1-tarmaqtarmen tolyqtyrylsyn: «13-1. Dárigerdiń qabyldaýyna jazylý jeke tulǵanyń nemese onyń ókiliniń BMSK kórsetetin medısınalyq uıymǵa tikeleı ótinish jasaýy, telefon baılanysy arqyly nemese elektrondyq sıfrlyq qoltańbasyz «elektrondyq úkimet» veb-portaly arqyly elektrondyq formatta júzege asyrylady.;
14-1. Dárigerdi úıge shaqyrý jeke tulǵanyń nemese onyń ókiliniń BMSK kórsetetin medısınalyq uıymǵa tikeleı ótinish jasaýy, telefon baılanysy arqyly ne elektrondyq sıfrlyq qoltańbasyz «elektrondyq úkimet» veb-portaly arqyly elektrondyq formatta júzege asyrylady.»;
2) kórsetilgen qaýlymen bekitilgen Azamattardy bastapqy medısınalyq-sanıtarııalyq kómek uıymdaryna bekitý qaǵıdalarynda:
mynadaı mazmundaǵy 3-1-tarmaqpen tolyqtyrylsyn:
«3-1. BMSK kórsetetin medısınalyq uıymdarǵa naqty bekitilgen halyqtyń sany týraly, aýmaqtyq qyzmet kórsetý ýchaskeleri, ýchaskelik qyzmettiń (jalpy praktıka qyzmeti) dárigerleri men orta medısına personaly týraly aqparat tirkelgen halyq tiziliminiń derekqorynda qalyptastyrylady.
Tirkelgen halyq tiziliminen BMSK uıymdarynyń bólinisinde tirkelgen halyqtyń bolýy týraly aqparat BMSK uıymdarynyń arasynda jan basyna shaqqandaǵy normatıvke aqy tóleýdi qarjylandyrý kólemderin bólý úshin negiz bolyp tabylady.»;
6,7-tarmaqtar mynadaı redaksııada jazylsyn:
«6. Qaǵaz túrinde jáne «elektrondyq úkimet» veb-portaly arqyly elektrondyq formatta qalyptastyrylatyn medısınalyq uıymǵa bekitilý anyqtamasy (talony) (budan ári - bekitý anyqtamasy (talony) azamattyń BMSK uıymyna bekitilgeni týraly kýálandyratyn qujat bolyp tabylady. Qaǵaz formattaǵy bekitý anyqtamasyn (talonyn) medısınalyq uıymnyń medısınalyq tirkeýshisi beredi. Elektrondyq formattaǵy bekitý týraly anyqtama (talon) medısınalyq-sanıtarııalyq alǵashqy kómek kórsetetin medısınalyq uıymnyń elektrondyq sıfrlyq qoltańbasy qoıylǵan elektrondyq formatta «elektrondyq úkimet» veb-portaly arqyly beriledi.
7. BMSK uıymyna bekitý erkin nys andaǵy ótinish pen jeke basyn kýálandyratyn qujat (jeke kýálik, pasport, týý týraly kýálik, Qazaqstan Respýblıkasynyń zańnamasynda belgilengen tártippen berilgen ózge de qujat) negizinde BMSK uıymynyń jumys kestesine sáıkes kez kelgen kúntizbelik ýaqytta júzege asyrylady. BMSK uıymyna bekitý úshin «elektrondyq úkimet» veb-portalyna júgingen kezinde suraý salýdy jiberý, sondaı-aq jeke basyn kýálandyratyn qujaty (jeke kýálik, pasport, týý týraly kýálik, Qazaqstan Respýblıkasynyń zańnamasynda belgilengen tártippen berilgen ózge de qujat) jáne elektrondyq sıfrlyq qoltańbasy bolýy qajet.»;
9-tarmaq mynadaı redaksııada jazylsyn:
«9. Osy Qaǵıdalardyń 7-tarmaǵynda kórsetilgen qujattar bolǵan kezde densaýlyq jaǵdaıy boıynsha BMSK uıymyna ózdiginen kelýge múmkindigi joq adamdardy bekitý BMSK uıymdarynda olardyń jazbasha nemese «elektrondyq úkimet» veb-portaly arqyly elektrondyq formatta júginýi boıynsha júzege asyrylady.»;
12,13-tarmaqtar mynadaı redaksııada jazylsyn:
«12. Bekitý ózgergen kezde bekitý anyqtamasy (talony) BMSK uıymyna qaıtarylady, al azamatqa qaǵaz túrindegi BMSK uıymynan bekitýden shyǵý anyqtamasy (talony) beriledi. «Elektrondyq úkimet» veb-portaly arqyly elektrondyq formatta bekitilgen kezde, basqa BMSK uıymdaryna bekitilgen jaǵdaıda ony esepten shyǵarý avtomatty túrde júzege asyrylady.
13. Azamat BMSK uıymyna bekitýdi erkin tańdaǵan kezde oǵan osy uıym mamandarynyń úıde qyzmet kórsetý múmkindigi aldyn ala kelisiledi jáne bekitý anyqtamasynda (talonynda) kórsetiledi.».
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri
S.Ahmetov.
