Qutqarýshylar Astrahan trassasy, Nur-Sultan-Pavlodar-Kókshetaý trassasy, Qosshy kenti, «Temirjolshylar» turǵyn alabyn patrýldeýde.
Esterińizge salsaq, 23 qańtarda Tótenshe jaǵdaılar departamentinde avarııalyq-qutqarý jáne kezek kúttirmeıtin jumystardy úılestirý úshin qalanyń azamattyq qorǵaý qyzmetteriniń qatysýymen jedel shtab qurylyp, jedel jeli iske qosyldy. Qala joldary men kóshelerinde qardy tazalaý jáne shyǵarý jumystaryna 1 444 jol jumysshysy men 1 265 tehnıka birligi jumyldyryldy.
Nátıjesinde, ótken túni 24 572 tekshe metr qar shyǵaryldy. Negizgi jáne qosalqy kósheler tazalandy. «Nursultan Nazarbaev» halyqaralyq áýejaıynda 14 baǵyt boıynsha reıs toqtatylyp, 15 reıs keshiktirildi. «QTJ» UK aqparaty boıynsha aýa raıynyń nasharlaýyna baılanysty temir jol kóliginiń keshigýi oryn alýy múmkin. Alaıda jolaýshylar poıyzdarynyń kidirisi bolmaıdy.
Birinshi aýysymdaǵy 0-11 synyp oqýshylary jáne 1,2-kýrs kolledj stýdentteri úshin sabaq toqtatyldy, sondaı-aq ekinshi aýysymdaǵy 0-9 synyp oqýshylaryna sabaq bolmaıdy.
Qazgıdromet málimetterine sáıkes, 24 qańtar kúni Nur-Sultanda qar jaýyp, boran soǵady, kóktaıǵaq oryn alady, ońtústik-batystan soqqan jeldiń ekpini túnde 23 m/s deıin jetýi múmkin.
