Tarıhı, qundy dúnıelerdi toptastyrǵan aıtýly kórmege jazýshy, Qazaqstannyń qurmetti jýrnalısi, aýdarmashy, Qazaqstannyń eńbek sińirgen qaıratkeri, «Alash» Halyqaralyq syılyǵynyń laýreaty, Túrkistan oblysynyń qurmetti azamaty Marhabat Baıǵut jáne oblystyq, qalalyq kitaphana men mádenıet mekemeleriniń basshylary, zııaly qaýym ókilderi men jastar jáne oqýshylar qatysty.
Ultymyzdyń uly tulǵalaryna arnalǵan «Ult rýhyn ulyqtaǵan uly oıshyldar» jáne Altyn Ordanyń 750 jyldyǵyna arnalǵan«Qazaq memleketiniń besigi» atty kitap kórmeleriniń ekspozısııalaryna Otyrar jazırasynda dúnıege kelip, ortaǵasyrlyq ǵulamalardan ozyp shyqqan Ábý Nasyr ál-Farabıdiń orasan zor shyǵarmashylyq murasy, dana da dara Uly Abaı Qunanbaıulynyń ultymyzdy rýhanı jańa bıikterge kótergen qundy dúnıeleri, sondaı-aq jarty álemdi ıeligine qaratqan Altyn Orda tarıhynan tutastaı maǵlumat beretin ádebıetter usynyldy.
Sonymen qatar kórmeniń taqyryby aıasynda Ábý Nasyr ál-Farabı men Abaı Qunanbaıuly jaıly teatrlandyrylǵan kórinister kórsetilip, uly aqynnyń óleńderi men qarasózderi oqylyp, ánderi shyrqaldy.
