29 qańtardaǵy jaǵdaı boıynsha (01.01.2020-29.01.2020 j.tańǵa deıin) 53 mm jaýyn-shashyn tústi (aılyq normada 16 mm), ol aılyq normadan 3,3 ese asyp tústi.
23 qańtardan bastap qarly borannan jáne qar qursaýynan 1048 adam qutqaryldy. Qar keptelisi men borannan 270 birlik tehnıka (239 jeńil kólik, 9 avtobýs, 18 júk kóligi, 2 fýr jáne 1 júk tıegish tehnıka) shyǵaryldy. Astanalyq qutqarýshylar Aqmola oblysynyń shekaralas eldi mekenderiniń turǵyndaryna kómek kórsetý úshin 55 shyǵýdy júzege asyrdy, onda 792 adam, onyń ishinde 15 júkti áıel men 50 bala qutqaryldy.
Nur-Sultan qalasy TJ departamentiniń bólimsheleri ótkizgishtigi joǵary arnaıy tehnıkamen patrýldeýdep, shaqyrtýlarǵa shyǵýda. Mysaly, osyndaı tótenshe jaǵdaılardyń biri 28 qańtarda oryn aldy, qutqarýshylar Apattar medısınasy ortalyǵynyń dárigerlerimen birlesip, Novomarkovka aýylyna shaqyrtýǵa shyqty, onda áıel adam sanyn syndyryp alyp, aýyr halde jatyp, jedel medısınalyq kómekti qajet etti. Shaqyrtý ornyna kelip jetken QR IIM TJK AMO dárigerleri dereý medısınalyq kómek kórsetti jáne pasıentevakýasııalanyp, astanalyq «Travmatologııa jáne ortopedııa» ǴZI-na jetkizildi.
Taǵy bir shuǵyl túrde kómek kórsetilgen naýqas aıaǵy synǵan er adam bolyp shyqty, ony qutqarýshylar Apattar medısınasy ortalyǵynyń dárigerlerimen birge aýrýhanaǵa jetkizdi.
