Jarys kestesindegi jaǵdaıdy túzeý úshin kelesi básekede jerlesterimizge kóp ter tógýge týra keldi. Birinshi kezeńde Albert Aqbalyqov bizdiń komandany alǵa shyǵardy.
Úzilisten keıin slovenııalyqtar qarqyndaryn kúrt kúsheıtip, 28 jáne 31 mınýttarda nysany dál kózdedi. Bul goldardyń avtorlary – Mateı Fıdershak pen Alen Fetıch. 32 mınýtta Dýglas esepti teńestirdi. Kóp keshikteı Krıstıan Chýes qart qurlyq ókilderin taǵy bir qýantty. Alaıda osy matchta qalaı da jeńiske jetýdi maqsat tutqan Qazaqstan quramasy úzdiksiz shabýyldar uıymdastyryp, kózdegen nátıjelerine qol jetkizdi. 38 mınýtta Leo jáne kezdesýdiń aıaqtalýyna 35 sekýnd qalǵanda Dáýren Tursaǵulov mergendik tanytty. Qorytyndy esep – 4:3.
Erteń otandastarymyz Chehııamen kúsh synasady. Qazirgi kezde olar alty upaımen kósh bastap tur. Rýmynııa men Qazaqstannyń qorjynynda úsh-úsh upaıdan bar. Al Slovenııa sońǵy satyǵa jaıǵasty.
