Bıyl tabıǵat ana jomarttyq tanytyp tur. Kóktemde bastalǵan molshylyq kepili aq jaýyn arada birer kúndi salady da, damyldap alǵan soń bir tynbastan aspannan sirkireı bastaıdy. Kendi Altaıdyń qaıbir buryshyna bara qalsańyz, belýardan asatyn kók shópti kóresiz. Taıaýda Ulan aýdanynyń Otradnoe aýylyndaǵy «Agro-Bam» sharýa qojalyǵynyń jem-shóp daıyndap jatqan brıgadasynda bolǵanymyzda, qyzý eńbektiń ústinen shyqtyq.
Bıyl tabıǵat ana jomarttyq tanytyp tur. Kóktemde bastalǵan molshylyq kepili aq jaýyn arada birer kúndi salady da, damyldap alǵan soń bir tynbastan aspannan sirkireı bastaıdy. Kendi Altaıdyń qaıbir buryshyna bara qalsańyz, belýardan asatyn kók shópti kóresiz. Taıaýda Ulan aýdanynyń Otradnoe aýylyndaǵy «Agro-Bam» sharýa qojalyǵynyń jem-shóp daıyndap jatqan brıgadasynda bolǵanymyzda, qyzý eńbektiń ústinen shyqtyq.
Qojalyqty uzaq jyldan beri aýyl sharýashylyǵynyń bilgir mamany Jaqsylyq Qasenov basqarady. Byltyr zeınetkerlikke shyqsa da Jákeń jas jigitterdeı lypyp tur, qımyly shapshań, esep-qısapty jatqa soǵady. Qazir onyń qojalyǵynda 700 iri qara, 100 jylqy bar. Bıyl qojalyq úsh jarym myń gektarǵa dándi daqyldar, 500 gektarǵa shóp, 313 gektarǵa ekpe shóp ekken eken. Jańbyrdyń kóp jaýyp, ylǵaldyń mol bolýy sebepti jaıqalyp ósken astyq áli kúnge jap-jasyl, kún jylysa boldy sap-sary telegeı teńizge aınalatyn túri bar.
– Dıqandar men mal azyǵyn daıyndaýshylar úshin qarbalas sát týdy. Mine, eki apta boldy jem-shóp ázirleýge 15 tehnıka men jıyrmaǵa tarta adam jumyldyryldy. Búginge deıin 750 tonna jem-shóp ázirlendi. 42 jyldan beri tehnıkany tizgindep kele jatqan maıtalman traktorshymyz Beısembaı Salqymbaev kúndik tapsyrmasyn bir jarym ese asyra oryndaýda. Jumaǵazy Asanovtyń 30 jyldyq eńbek ótili bar, ol da «MTZ» traktorymen eseli eńbek etip júr. Tyrnaýshy E.Tolǵynbaev, oraýshy Beıbit Bákishev, shópti maıalaýshy A.Nuraqatov, T.Musaqanov ta qajyrly jumys jasaýda. Amanshylyq bolsa, mal azyǵyn daıyndap alǵan soń egin oraǵyna kirisemiz. Jańa aty atalǵan azamattar traktoryn kombaınǵa aýystyryp minedi. Bizde tehnıka jetkilikti, bes-alty kombaın satyp alǵanbyz. Mehanızatorlardyń jalaqysy da jaman emes. Osydan birneshe jyl buryn egin oraǵy men jem-shóp ázirleýde erekshe kózge túsken bes-alty azamatqa qurmet pen mártebe kórsetilip, búkil aýyl turǵyndarynyń qatysýymen turǵyn úı men jeńil kólikti syıǵa tartqanbyz. Bıyl da eńbek adamdaryna qurmet kórsetý oıda bar, –dep «Agro-Bam» sharýa qojylyǵynyń tóraǵasy Jaqsylyq Qasenov biraz maǵlumat bere ketti.
Mine, bitik ósken kók shópti «MTZ-80» traktorymen syryldatyp shaýyp kele jatqan mehanızatordy toqtatyp, sózge tarttyq. Beısembaı Salqymbaev sózge sarań eken, 42 jyldan beri mehanızator ekenin, aýa-raıynyń ashyq kúnin tıimdi paıdalanýǵa tyrysyp jatqanyn tilge tıek etti. Onyń sońynda kele jatqan Jumaǵazy Asanov ta jazdyń bir kúni jylǵa azyq ekenin, jantalasa jumys jasap jatqandaryn aıtty. Sergeı Morsofeı degen mehanızator bıyl eginniń shyǵymy ǵajap ekenin, tabıǵat ananyń jomarttyǵyn paıdalanyp qalý úshin tehnıkany saqadaı-saı ázirlep qoıǵany jaıly aıtty. Ulandyq jem-shóp ázirleýshiler bıylǵy qatań qystan qysylmaı shyǵatynyna kámil senedi. Oǵan olardyń búgingi qajyrly isteri kýá bolsa kerek.
Ońdasyn ELÝBAI,
«Egemen Qazaqstan».
Shyǵys Qazaqstan oblysy,
Ulan aýdany.
Sýretterdi túsirgen avtor.
