«N» tobyndaǵy Qazaqstan quramasy óziniń tusaýkeser kezdesýin Ýkraınaǵa qarsy ótkizdi. Bul básekede jerlestermizdiń ústemdigi esh kúmán týǵyzǵan joq. Bizdiń jigitterdiń soqqan segiz shaıbaǵa qonaqtar tek bir ǵana golmen jaýap bere aldy. Esep – 8:1.
Birinshi kezeńniń 4-mınýtynda Dmıtrıı Shevchenko, 8-mınýtynda Egor Petýhov, 10-mınýtynda Dastın Boıd,13-mınýtynda Roman Starchenko jáne 18-mınýtynda Talgat Jaılaýov nysanany dál kózdese, ýkraınalyqtardyń sapynan Sergeı Babınes mergendik tanytty.
Úzilisten keıin Darren Dıs pen Arkadıı Shestakov gol soqsa, kezdesýdiń 52-mınýtynda Valerıı Orehov básekeniń sońǵy núktesin qoıdy.
О́ziniń kelesi kezdesýin Qazaqstannyń hokkeıshileri búgin Nederlandy quramasyna qarsy ótkizedi. Alǵashqy básekede Qyzǵaldaqtar eliniń ókilderi Polshadan 0:8 esebimen utylǵan bolatyn.
