*«Qoljetimdi turǵyn úı-2020» baǵdarlamasy boıynsha bıyl jas otbasylar úshin 3,5 myńǵa jýyq páter salynady. Atap aıtqanda, Almatyda 120 páter, Soltústik Qazaqstanda 216 páter, Qostanaıda 352 páter, Atyraýda 234 páter, Qaraǵandyda 154 páter qurylysy josparlanǵan.
*«Qoljetimdi turǵyn úı-2020» baǵdarlamasy boıynsha bıyl jas otbasylar úshin 3,5 myńǵa jýyq páter salynady. Atap aıtqanda, Almatyda 120 páter, Soltústik Qazaqstanda 216 páter, Qostanaıda 352 páter, Atyraýda 234 páter, Qaraǵandyda 154 páter qurylysy josparlanǵan.
*Astanada tamyzda mektepke deıingi bilim beretin 52 mekeme ashyldy. Sonyń ishinde 28 mektep qazaq tilinde jáne 24-i orys tilinde oqytady.
*Shymkenttegi Qoshqarata ózeni boıy ásem abatqa aınalady. Qazir qyzý júrip jatqan bul jumystardyń bıylǵy alǵashqy kezeńinde ózen bastaýynan Ordabasy alańyna deıingi 16 gektar jer tolyq ıgeriledi. Al qurylysqa qajetti 452 mln. teńge qarjy qala bıýdjetinen bólindi.
*Qazaqstanda baýyrdyń qaterli isigi syrqatyna qarsy zamanaýı em qoldaný jóninde bastama kóterildi. Bul qozǵalystyń ıdeıasyn taratýshy almatylyq jas hırýrg Ashat Isbambetov bolyp otyr.
*Elordada ózge ult ókilderi ınnovasııalyq ádisteme negizinde qazaq jáne aǵylshyn tilderin meńgerip shyqty. «Dıalog.kz» dep atalatyn joba aıasyndaǵy oqýdyń kelesi kezeńi qyrkúıek aıynda bastalady dep kútilýde.
*Astanada tuńǵysh túnemelik oryn ashyldy. Onyń kádimgi meımanhanalar men páterlerden basty aıyrmashylyǵy qoljetimdiligi men arzandyǵynda. Mundaǵy taza tósek, ınternet, televızor sekildi usynylatyn zattary bar jatynjaılardyń táýliktik quny 1500 teńge turady.
*Bıyl Qyzylordadaǵy kóp qabatty turǵyn úıler aýlalarynda 23 balalar sport alańy salynady. Bul maqsatqa 103 mln. teńge bólinip otyrǵanyn tilge tıek etken qala ákimi Nurlybek Nálibaev budan bólek, 74,5 mln. teńgege zaman talabyna saı 50 avtobýs aıaldamasy boı kóteretinin málimdedi.
*Aqtaýda sporttyq poker klýby atyn jamylǵan jasyryn kazıno anyqtaldy. Ustaý kezinde onda 20-ǵa jýyq kelýshi men sol jerdiń 9 qyzmetkeri bolǵan. Oqıǵa ornynan 450 myń teńgeden artyq aqsha tárkilendi.
«QazAqparat», «Qazaqstan jańalyqtary», Bnews.kz, TengriNews, EgemenNews habarlary boıynsha daıyndaldy.
