Syr
Jastyqtyń jazynda kógildir.
Júrekten marjandaı tógip jyr.
Tańyrqa, ǵashyq bol, sebebi,
Tákappar, aıaýly ómir bul!
Jastyqtyń jazynda sáýleli,
Juparǵa toltyryp keýdeni.
Aqıqat jolyn sen tańdap al,
Bolsa da buralań, áýreli.
Jastyqtyń jazynda shilińgir,
Janyńdy keı-keıde túńildir.
О́limniń áınegin qaqpaı-aq,
Ǵaıypqa abaılap úńil bir.
Dýmannan qaıtqandy tań qyla,
Jastyqtyń jazynda jarqyra,
Janyńnyń jumbaǵy qalsyn tek,
Teń bolyp ómirdiń narqyna.
Syr
Jastyqtyń jazynda kógildir.
Júrekten marjandaı tógip jyr.
Tańyrqa, ǵashyq bol, sebebi,
Tákappar, aıaýly ómir bul!
Jastyqtyń jazynda sáýleli,
Juparǵa toltyryp keýdeni.
Aqıqat jolyn sen tańdap al,
Bolsa da buralań, áýreli.
Jastyqtyń jazynda shilińgir,
Janyńdy keı-keıde túńildir.
О́limniń áınegin qaqpaı-aq,
Ǵaıypqa abaılap úńil bir.
Dýmannan qaıtqandy tań qyla,
Jastyqtyń jazynda jarqyra,
Janyńnyń jumbaǵy qalsyn tek,
Teń bolyp ómirdiń narqyna.
Perzent
О́mirim uzarǵan sııaqty.
Kóńilim tazarǵan sııaqty.
Ulymdy qushaqtap otyryp,
Jurtyma jyr jazam mııatty.
Áldılep tıtimdeı órendi,
Eritem ishtegi shemendi.
Aq botam alǵyr bop ósse eken,
Aspanǵa jetkizip tóbemdi.
Aqjeıde kóńilden kúlip tek,
Jarqyldap tursa eken jigit bop,
Áke men ananyń eń jaqsy
Qyrlary qalsa ǵoı sińip tek.
Ol ázir tym názik, qyrmyzy.
Joǵary bolar ma juldyzy?
At qoıyp, aq bata bergender
Alashtyń tańdaýly ul-qyzy!
Bıiktep ketpese ar oılap,
Tańdary turar ma araılap?
«Alla jar bolsyn – dep botama»,
Mańdaıyn ıiskeımin abaılap.
* * *
Júregimniń aspanynda kún ashyq,
Aq álemge alǵys aıtsam dep edim.
Siz súıetin qus ánine ulasyp,
Menen buryn tógiledi óleńim.
Aq álemniń keremeti – sút sezim,
Jas baladaı sezinýge qumarmyn.
Dúnıeniń nurǵa toly qut kezin,
Júregime quıyp alǵan shyǵarmyn?
Kim bar eken jylamaıtyn, tońbaıtyn?
Darytpaýǵa umtylǵanym jazyǵym.
Kózben iship taýysýǵa bolmaıtyn,
Aq álemde ómir súrdim, razymyn!
Taǵdyrymyz – Haq syıy ǵoı baǵaly.
Janyńyzdy saıalaımyn, jaryǵym!
Dúnıeniń bizdi qushqan janary
Sóıleıdi eken altynshy kún sabyryn...
О́mir – báıge
Men báıge dep túsinemin ómirdi,
Syǵyp berer ashy monshaq terińdi.
Shapqylaısyń arǵymaqpen rýh atty,
Alla atymen shart býynyp belińdi.
Erkinsitpes ór minezdi jer kimdi?
Eliresiń er-toqym ǵyp erkińdi.
Júıtkısiń kep jalǵyzdyǵyń umyt bop,
Janaryńda oınaqshytyp sertińdi.
Pák kóńildi almaý úshin kirletip,
Shań qappaýǵa oıyń taǵy tur bekip.
Muń men syrdy túıip alyp júrekke,
Zýlaısyń kep Táńiriden ún jetip...
Arǵymaqtyń shań qaptyrar qolqasyn,
It-tirlikten sen de árıne qorqasyń.
Táýekeliń jol tabady ondaıda,
Mekendeıtin eki dúnıe ortasyn.
Kimder maqtap, kimder seni dattaıdy,
Júıtkip kettiń, bul oı basqa soqpaıdy.
Bir bileriń, amanaty babańnyń,
Keýdeńdegi kók kúmbezdi saqtaıdy...
Jer betine baq ornatar máýeli.
Jan-dúnıeń – jasyl sezim álemi.
Aspan tústes azattyǵyń tur basta,
Namysyńdy bıikteter áýeli.
Úmit-shyraq, kúdik degen san suraq.
San suraqqa boılaı bermes jan shydap.
Eki kelmek joqtyǵy úshin jalǵanǵa,
Tistenesiń tulpar-rýhty qamshylap.
Men báıge dep túsinemin ómirdi,
Qaperińe nur ǵyp quıar senimdi.
Arǵymaǵyń boldyrmasyn albyrt shaq,
Umytpaǵaı ardy súıgen tegińdi.
Alaý kóńil, jalaý júrek jas býyn,
О́mir osy – suńǵyla eter tas-túıin.
Báıge alańyn tastaı kórme, máreden
Qarǵyp ótip qaqshyp almaı baq týyn!
Kelinshek
Oıǵa oranyp túr-túrli, jıyrylyp aq mańdaı.
Júrip kele jatqan joq, ushyp kele jatqandaı.
Erkeletip sábıin, keshki asty da ázirlep,
Kútý kerek peıilmen azamatyn atpaldaı.
О́tken shaqpen ómirin eshqashan da súrmeıdi.
Keńsedegi kóńil-kúı bosaǵadan kirmeıdi.
Janarynda meıirim, bádeninde náziktik,
Berekeli áıel bul, ony ózi de bilmeıdi.
Bári sonyń moınynda: usaq-túıek tirshilik.
Tirshiliktiń batpaǵyna bir batady, bir shyǵyp.
«Bir kem dúnıe» jaıynda bilgishsinbe sen oǵan,
Ýaqyty joq óıtkeni otyrýǵa kúrsinip.
«Jetem» deıdi, jetedi. Jetkizedi tirnektep...
Jel ótinde dál erteń turmaý úshin dirdektep.
Jelókpe hám jyndybas shaqtan ótip ketken soń,
Moıyndarsyń óziń de «h anymym» dep qurmettep.
О́shirmeıdi úmitin, joǵaltpaıdy senimin.
Razylyǵyn alsam dep taǵdyr qosqan eriniń.
Shańyraǵyn-shattyǵyn jan otymen jylytyp,
Eń ádemi tústermen boıaıdy ol ómirin.
Facebook – aına-kitap
Aına-kitap ishinde tirshilik bar,
Kóz aldyńda turady kúnshilik hal.
Saǵan, maǵan, oǵan da maza bermeı,
Janymyzdan búrleıdi jyr-shybyqtar.
Tynshı almaı, sezimdi qozdatyp kóp,
Otyramyz oılardy bozdatyp kep.
Maqtap, dattap, aıtamyz shyn júrekten,
О́mir otyn úrleıdi jazba bitken!
Tileýlester bar munda, janashyrlar,
Jas dostaryń júr taǵy «jańa ashylǵan».
Bir beleste adasqan eski dostar,
О́shirip tastaǵandaı sanasynan.
Bar munda básekeles zamandastar,
Jáne aınadaı jarqyrar balań jastar.
Dástúrshil Hám jańashyl toptar da júr,
Túrli-túrli tarapqa qadam basqan.
Túrli-túrli qylyqpen bulańdaǵan,
Súp-súıkimdi kúshik júr shunańdaǵan.
Kóz astymen erkelep tistep alar,
Ondaı námart ekenin kim oılaǵan?
Aına-kitap bárin de kórsetip tur:
Máselen, myna aǵamda keńselik túr.
Kózáınektiń ar jaǵy buldyr álem,
Ol álemde dostyq ta teńselip tur.
Myna kisi qymyz ben balǵa qumar,
Kim bilsin, jalqy ósken arda shyǵar?
Adam emes búrkitke ǵashyq jandy
Kórdim desem qalaısha nanbaısyńdar?
Qalmas adam eshqashan oıǵa jutap,
ÝDZ apparaty – aına-kitap,
Anaý ańqaý, mynaý qý, keýdemsoq ol...
Al armanshyl jaıyp júr aıǵa qushaq.
Aıgúl SEIILOVA.
ASTANA.
