Biz osy rette azamattarymyzdy ortaq ymyraǵa shaqyramyz. Jekelegen adamnyń ózara kelispeýshiligi qoǵamdyq deńgeıdegi máselege aınalyp ketpeýi kerek. О́ıtkeni ardaqty paıǵambarymyz Muhammed (oǵan Allanyń salaýaty men sálemi bolsyn) musylman úmbeti jaqsy ister úshin ǵana jınalatynyn ósıet etken. Sharıǵatymyz adamdar arasyna arazdyq týdyratyn kez kelgen áreketke qatań tyıym salady. Bul zańǵa da qaıshy. Paıǵambar jolyn ustanǵan musylman mundaı amalǵa áste barmaıtyny belgili. Baıqamastan ózge baýyrymyzǵa qııanat jasap qoıýdan saq bolǵanymyz qaıyrly. Alaýyzdyqtan abaı bolǵanymyz abzal. Qoǵamdaǵy tynyshtyq árqaısymyzdyń otbasymyz úshin asa mańyzdy qundylyq ekeni málim. О́ıtkeni el men jerimizdiń tynyshtyǵy barshamyzǵa amanat.
Alla taǵala halqymyzdyń birligi men bereketin, beıbitshiligi men amandyǵyn arttyrǵaı. Ámın!
Naýryzbaı qajy TAǴANULY,
Qazaqstan musylmandary dinı basqarmasynyń tóraǵasy, Bas múftı
