Premer-Mınıstr Memleket basshysy Qasym-Jomart Toqaevtyń tapsyrmasyna sáıkes Úkimet Qazaqstanda koronavırýstyq ınfeksııanyń taralýyna jol bermeý boıynsha barlyq qajetti sharalardy qabyldap jatqanyn atap ótti.
«Búgingi tańda Qazaqstan aýmaǵynda koronavırýspen aýyratyndar tirkelmegen. Jaǵdaı turaqty jáne Úkimettiń turaqty baqylaýynda», — dedi A. Mamın.
Úkimet basshysy Densaýlyq saqtaý mınıstrligine sanıtarlyq-epıdemıologııalyq baqylaý jumystaryn jalǵastyrýdy, Syrtqy ister mınıstrligine QHR-daǵy qazaqstandyqtarmen tyǵyz baılanys ornatyp, olarǵa qajetti kómek kórsetýdi tapsyrdy.
Premer-Mınıstr monopolııaǵa qarsy organdar men Densaýlyq saqtaý mınıstrliginiń nazaryn dárihana jelilerindegi medısınalyq maskalar men vırýsqa qarsy preparattarǵa baǵany jasandy kóterýdiń jekelegen faktilerine aýdardy.
«Máseleniń mán-jaıyn anyqtańyzdar. Jalpy, Densaýlyq saqtaý mınıstrligi men óńirlerdiń ákimderi jaǵdaıdy turaqty baqylaýda ustaýy kerek», — dep túıindedi A. Mamın.
