H. Klıýge Qazaqstannyń Úkimet basshysyna Nur-Sultan qalasyna sapary barysynda QR Densaýlyq saqtaý mınıstrligi men DDSU Eýropalyq aımaqtyq bıýrosy arasyndaǵy 2020-2021 jyldarǵa arnalǵan kelisimge qol qoıý týraly habarlady.
- Qazaqstan densaýlyq saqtaýdy damytý, medısınalyq kómektiń sapasy men qoljetimdiligin jaqsartý, alǵashqy medısınalyq-sanıtarlyq kómekti reformalaý máseleleri boıynsha Dúnıejúzilik densaýlyq saqtaý uıymymen belsendi yntymaqtastyq ornatqan, — dedi A. Mamın.
Úkimet basshysy QR aýmaǵynda koronavırýstyń paıda bolýy men taralýyna jol bermeý jónindegi vedomstvoaralyq komıssııanyń qyzmeti, sondaı-aq Qazaqstanda azamattardy koronavırýstyq ınfeksııadan qorǵaý boıynsha qabyldaǵan sharalar týraly aıtyp berdi.
- Qazaqstan koronavırýsqa qarsy kúres aıasynda aýrýdyń aldyn alý, dıagnoz qoıý jáne karantın sharalary boıynsha DDSU-nyń usynymdaryn ustanady, — dedi Premer-Mınıstr.
Taraptar koronavırýspen kúres, alǵashqy medısınalyq-sanıtarlyq kómek, densaýlyq saqtaýdy sıfrlandyrý, MÁMS engizý, tótenshe jaǵdaılar medısınasy jáne t. b. qosa alǵanda, Qazaqstannyń DDSU-men yntymaqtastyǵy máselelerin talqylady.
Kezdesýge QR Premer-Mınıstriniń orynbasary Eraly Toǵjanov, densaýlyq saqtaý mınıstri Eljan Birtanov, syrtqy ister mınıstriniń orynbasary Marǵulan Baımuhan, sondaı-aq DDSU-nyń QR-daǵy turaqty ókiliniń mindetin atqarýshy Kerolaın Klarınval qatysty.
Qazaqstan DDSU-ǵa 1992 jyly 19 tamyzda qosyldy, geografııalyq jaǵynan QR DDSU-nyń Eýropalyq aımaǵyna jatady. Nur-Sultan qalasynda Uıymnyń eldik ofısi jumys isteıdi. 2015 jyly Almaty qalasynda Dúnıejúzilik densaýlyq saqtaý uıymynyń alǵashqy medısınalyq-sanıtarlyq kómek (AMSK) boıynsha geografııalyq qashyqta ornalasqan ofısi ashyldy.
2018 jyldyń qazan aıynda QR astanasynda AMSK boıynsha jahandyq konferensııa ótkizildi, onyń qorytyndysy boıynsha Astana deklarasııasy qabyldanǵan bolatyn. Bıyl 3-8 aqpanda Jeneva qalasynda ótken DDSU Atqarýshy komıtetiniń 146-otyrysynda AMSK (Operational Framework on PHC) operatıvti negizi boıynsha sheshim qabyldandy, onyń mátinin kelisý Qazaqstannyń tóraǵalyq etýimen ótti.
