Al, bosalqy jerler 1885,5 myń gektardy, basqa memleket paıdalanyp jatqan jer kólemi 2492,6 myń gektar kólemdi alyp jatyr. Alaıda, ótken jyly oblys aýdandarynda 35,5 myń gektar egistik jerler ıgerýsiz qalǵan.
«Qoldanylǵan sharalardyń nátıjesinde, ıgerilmegen aýyl sharýashylyǵy maqsatyndaǵy 104162 gektar jer ýchaskeleri memleket menshigine qaıtaryldy. Salyq mólsherlemesin 10 esege deıin kóterýge kólemi 46964 gektar jerdiń málimeti joldandy. Memleket ıeligine qaıtarylǵan jerlerdi aýyl sharýashylyǵy aınalymyna qosý basty nazarda. Búgingi tańda qaıta aınalymǵa aýdandar boıynsha 18 konkýrs ótkizilip, qosylǵan jerdiń aýmaǵy 199,1 myń gektarǵa jetti. Onyń ishinde egistik jerler 9,2 myń gektardy, jaıylymdyq jerler 189,9 myń gektar jerdi quraıdy. Kásipkerlik maqsatynda suranystardy qanaǵattandyrý boıynsha esepti merzim aralyǵynda oblys aýdandarynda 42 aýksıon ótkizildi. Nátıjesinde aýmaǵy 114,6 gektar jer ýchaskeleri 184,8 mıllıon teńgege baǵalanyp, satyldy», deıdi Jambyl oblystyq jer qatynastary basqarmasynyń basshysy Bahtııar Kópbosynov.
Jambyl oblysy
