Jumamurat Aldashevtyń málimetinshe, tutynýshylardyń quqyqtaryn qorǵaýdyń ulttyq júıesi barlyq memlekettik organdar men 208 úkimettik emes uıymdardyń jumysyn qamtıdy. Halyqtyń basym bóligi tutynýshylardyń quqyqtaryn qorǵaý júıesine senimi álsiz.
Áleýmettik saýalnamaǵa qatysqandardyń 87% - y quqyqtary men zańdy múddelerin buzý faktisin rastaıdy, bul rette 29% - yń jylyna 7 retten astam quqyǵy buzylǵan. 2018 jyly halyq arasyndaǵy saýalnamaǵa sáıkes memlekettik organdarǵa degen senim deńgeıi 51% - ǵa tómendegen.
Tutynýshylardyń 64% óz quqyqtaryn qorǵalmaǵandyǵyn aıtqan. Osyǵan baılanysty tutynýshylardyń quqyqtaryn qorǵaýdyń negizgi problemalaryna tutynýshylardyń saýatsyzdyǵy, tutynýshylardyń qarapaıym quqyqtaryn buzǵany úshin kásipkerlerdiń jazasyzdyǵy syndy t.b sebep. «Aqtóbe oblysynda tutynýshylardyń quqyǵyn qorǵaý boıynsha jan-jaqty jumystar atqarylýda. Jaqynda ǵana oblys ákimdiginiń qoldaýymmen salaaralyq jumys toby quryldy. Olar tutynýshylardyń quqyǵyn qorǵaý,saýattylyǵyn arttyrý jumystarymen aınalysady», dep atap ótti Ońdasyn Orazalın.
Departament basshysy osy tusta salararalyq jumys toby oblys ákiminiń qoldaýymen elimiz boıynsha alǵash bolyp júzege asyrylyp otyrǵandyǵyn jetkizdi. Sonymen qatar oblys ákimi aýdandarda tutynýshylardyń quqyǵyn qorǵaý ınstıtýttaryn ashý qajettigi jaıly usynysqa qoldaý bildirdi. Atalǵan máselege qatysty aýdan ákimderine birqatar tapsyrmalar júktedi.
