Katerlerdi tabystaý sharasynda Kompanııa ókilderine alǵysyn jetkizgen Mańǵystaý oblysy ákiminiń orynbasary Baqytjan Qashaqov, búgingi kún - aıtýly kúnderdiń biri ekendigin tilge tıek etti. Elimizde dúnıejúzilik deńgeıde jumys jasap jatqan iri kompanııalar kemde kem. Solardyń biri - áleýmettik turǵyda óńirdiń turmys jaǵdaıy men tabys kózine asa mán berip, birshama qyzmetter atqaryp júrgen «Teńizshevroıl» kompanııasy ekendigi aıtyldy.
«Qyzylsaı» mekemesiniń qyzmeti – tıisti erekshe qorǵalatyn tabıǵı aýmaqtardaǵy janýarlar dúnıesi men ósimdik túrlerin qorǵap, qorshaǵan ortanyń búlinbeýi men brakonerlerge qarsy jumystar júrgizý bolyp tabylady. Mekemeniń quramyna 1 óńirlik park jáne jergilikti mańyzdaǵy 6 qaýmal bar.
Mańǵystaý oblysynyń tabıǵı resýrstar jáne tabıǵat paıdalanýdy retteý basqarmasy men «Teńizshevroıl» JShS arasyndaǵy jemisin bergen kelissózder alǵash ret 2019 jyldyń 22 tamyzynda bastaý alǵan bolatyn. Ol kezde «Qyzylsaı» mekemesine 7 vagon-úıler, 22 fototuzaqtar men 2 dron syıǵa tartylǵan edi.
Bul - demeýshilik jasaýǵa kelisim bergen kompanııa tarapynan jurtshylyqpen baılanystyń nyǵaıýyna jáne halyqtyń áleýmettik jaǵdaıynyń jaqsarýyna kóńil bólinip otyrǵandyǵy dáleldene tústi.
