«Abaıdyń týǵanyna 175 jyl tolýyna oraı uıymdastyrylyp otyrǵan sharanyń maqsaty uly aqyn murasyn jastar arasynda nasıhattaý, shyǵarmalarymen tanystyrý» dep atap ótken Almaty qalasy Ortalyqtandyrylǵan kitaphana júıesi dırektorynyń orynbasary Natalıa Kovalenkonyń aıtýynsha, Abaı murasymen jastardy ǵana emes qala turǵyndaryn tanystyrýdyń mańyzy zor.
Respýblıka saraıyna jınalǵan qala turǵyndary «Abaı álemdik ǵajaıyp tulǵa» kórmesi uıymdastyryldy. Onda aqynnyń ómiri men shyǵarmashylyǵyna arnalǵan lırıkalyq jáne satıralyq óleńderi, peızajdyq eskızderi, «Qara sózderi», orys jáne sheteldik avtorlarynyń aýdarmalary qoıyldy. Al poezııa áýesqoılary úshin «Poetıkalyq mıkrofon: poezııa - tildiń bıleýshisi» alańynda Almaty qalasy Ortalyqtandyrylǵan kitaphana júıesi oqyrmandary men tanymal aqyndar Abaıdyń óleńderin oqydy. Al «Abaı álemi» mýzykalyq saǵatynda Abaıdyń mýzykalyq kompozısııalary usynyldy. Rýhanı keshti tamashalaýǵa kelgender sonymen qatar «Abaıdyń shyǵarmalaryn bilesiz be?» zııatkerlik kvestine qatysty. Sondaı-aq, Abaı poezııasyn súıetinder úshin belgili aqyndar men jazýshylardyń qatysýymen «Uly murany saqtaý» master-klassy jáne Abaı shyǵarmalaryndaǵy beıneleý óneri kórmesi ótip, aqyn shyǵarmashylyǵyna qatysty fılmder kópshilik nazaryna usynyldy.
ALMATY
