Taǵaıyndaý • 20 Aqpan, 2020

Pavlodar oblysy ákiminiń orynbasary taǵaıyndaldy

49 ret kórsetildi

Pavlodar oblysy ákiminiń orynbasary bolyp Sáken Beıimbetuly Shaıahmetov taǵaıyndaldy. Bul týraly pavlodarnews.kz saıty habarlady.

Pavlodar oblysy ákimi baspasóz qyzmetiniń málimetinshe, búgin Sáken Shaıahmetov Pavlodar oblysy ákiminiń orynbasary qyzmetine taǵaıyndaldy. Ol 1990 jyly 2 mamyrda Almaty qalasynda dúnıege kelgen.

AQSh-tyń Tehas ýnıversıtetin (The University of Texas) «Munaı-gaz isi» jáne «Ekonomıka» mamandyqtary boıynsha támamdaǵan. MVA dárejesin Qytaı-Evropa halyqaralyq bıznes mektebinde (China Europe International Business School) alǵan, sondaı-aq quqyq pen dıplomatııa salasyndaǵy gýmanıtarly ǵylymdar magıstri (The Fletcher School of Law and Diplomacy, Tufts University).

Oqý kezinde jyl saıyn Chevron (AQSh), J.P. Morgan (Ulybrıtanııa), Citibank (Almaty), World Bank (AQSh) syndy kompanııalarda arnaıy aqyly taǵylymdamalardan ótken. Eńbek jolyn 2011 jyly Atyraý oblysyndaǵy «Bolashaq» zaýytynda mehanıktiń kómekshisi bolyp bastady. 2012-2014 jyldary Caspi Meruerty Operating Company B.V. kompanııasynda ekonomıst bolyp qyzmet etti.

Keıin 2017 jylǵa deıin magıstratýrada bilim aldy. 2017 jyly memlekettik qyzmetke aýysty. 2017-2018 jyldary  Premer-Mınıstriniń keńesshisi, al 2018 jyldyń jeltoqsanynan bastap Premer-Mınıstri Keńsesi basshysynyń orynbasary laýazymdaryn atqarǵan. «Sáken Shaıahmetov Prezıdenttik jastar kadrlyq rezerviniń úzdik úshtigine engen. Jańa qyzmetinde ınvestısııalar, kásipkerlikti jáne arnaıy ekonomıkalyq aımaǵyn damytý máselelerimen aınalysady» dep málim etti baspasóz qyzmeti.

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar