Mýzeı málimetteri boıynsha, qazirgi tańda murajaı qorynda 1000-nan astam mýzykalyq aspaptar saqtalǵan. Kelýshilerge eksponattar jaıynda tolyq maǵlumat berý úshin mádenıet oshaǵy zamanaýı aqparattyq jáne beıne qurylǵylarmen jabdyqtalǵan.
Almaty qalasy «Rýhanı jańǵyrý» jobalyq keńsesiniń málimetine súıensek, murajaıda Elbasynyń «Uly dalanyń jeti qyry» maqalasyn júzege asyrý maqsatynda qorda saqtalǵan aspaptardyń dybysyn qaıta jańǵyrtý úshin «Jádiger» atty mýzykalyq antologııa jaryqqa shyqty. Antologııa avtorlary dástúrli óner maıtalmandary mýzeıde saqtalǵan iri tulǵalardyń dombyrasymen, olardyń belgili bir shyǵarmasyn oryndap, dybystaryn qaıta jazyp shyqqan.
