Rýhanııat • 22 Aqpan, 2020

Atyraý oblysynda áleýmettik jobalar jármeńkesi ótti

59 ret kórsetildi

Atyraý oblysy «Jumyspen qamtýdy úılestirý jáne áleýmettik baǵdarlamalar basqarmasy» jáne «oblystyq Ishki saıasat basqarmasynyń Azamattyq ortalyǵy» KMM-siniń uıymdastyrýymen Áleýmettik jobalar jármeńkesi ótti. Bul týraly Atyraý oblysy Ishki saıasat basqarmasynyń azamattyq ortalyǵynyń baspasóz qyzmeti habarlady.

Sharanyń maqsaty – úkimettik emes uıymdar men kásipkerlerdiń arasynda qoǵamdaǵy áleýmettik máselelerdi sheshýde ózara baılanysty kúsheıtý jáne ÚEU-dyń áleýetin arttyrý, benefısıar tartý.
Jármeńkege «Tengızshevroıl», «Fluor», «NCOC», «Bolashaq Atyraý», «Fircroft Kazakhstan», «Senimdi qurylys», «Sarens Kazakhstan», «ESS Support Service», «Bolat jol», t.b. kompanııalary qatysty.

1

Úkimettik emes uıymdar múmkindigi shekteýli jandar men erekshe balalarǵa arnalǵan 14 áleýmettik jobany usyndy. Shara barysynda árqaısysy óz jobalaryn tanystyrdy. Sonyń ishinde «Zlataru» qoǵamdyq qory men «Móldir tkóz» qoǵamdyq birlestiginiń jobalaryna «Fluor» jáne «ESS Support Service» kompanııalary qoldaý kórsetti.
Aqylbek Muhanov, «Igi iske bastama» qoǵamdyq birlestiginiń jetekshisi:
Áleýmettik jármeńkege alǵash ret qatysyp turmyn. Usynǵan jobamnyń negizgi maqsaty – áleýmettik az qamtylǵan jáne múmkindigi shekteýli, jalǵyzbasty analardy jumyspen qamtý. Iаǵnı, aldymen jumyssyz analardy tiginshilik mamandyǵyna oqytamyz. Keıin tigin sheberhanasyna jumysqa alamyz. Qazir jumyssyz analar óte kóp. Solarǵa paıdamyzdy tıgizgim keledi.
Elvıra Aronova, «Samǵa júregim» qoǵamdyq birlestiginiń jetekshisi:
Búgingi jármeńkege «Akademık Kroha» balalar ortalyǵyn ashý týraly jobamdy usyndym. Jobam múmkindigi shekteýli balalardy saýyqtyrýǵa arnalǵan. Ortalyqta múmkindigi shekteýli balalar kásibı mamandar arqyly psıho-fızıologııalyq, qımyl-qozǵalysyn shynyqtyrady. Atyraý qalasynda mundaı ortalyqtarǵa suranys bar. Eger bul joba qoldaý tapsa, kóp otbasyna kómektesken bolar edik dep oılaımyn.
Sharada «О́mir gúli» qoǵamdyq birlestigi men «Men barmyn» qoǵamdyq qorynyń balalary óz ónerlerin kórsetti.


2

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar