Demalys kúnderi aýa raıy jaıylyp, jylymyq bolǵany joldardyń kóktaıǵaq bolýyna ulasty. Jeksenbi kúni polıseılerdiń kómegi qostanaılyq Mádı Kárimovke tıdi. «Qostanaı-Mamlıýt» avtojolynyń 135 shaqyrymynda ol júrgizip kele jatqan «MAZ» avtokóligi joldan taıyp ketip, jıekke shógip qalǵan. Áıteýir júrgizýshi esh jaraqat almaǵan, al avtokólik ózdiginen shyǵa almaı, qalyń qardy keýlep, bata bergen. Osy kólikti Mamlıýt qalasyna bet alǵan ýchaskelik polısııa ınspektorlary Hasan Sháýkerov pen Dáýren Amanjolov kórip, patrýldik polısııa batalonynyń (PPB) qyzmetkerlerine habarlaıdy. О́z kezeginde patrýldik polısııa batalony ekıpajyndaǵy polısııa kapıtany Ámirjan Toqqojın men polısııa kishi leıtenanty Qanat Keńesbaev jaqyn mańdaǵy Ekaterınovka selosynda turatyn K-700 traktorynyń júrgizýshisi Vıacheslav Genaevtyń kómegine júginedi.
46 jasar aýyl turǵyny qıyn jaǵdaıda qalǵan adamǵa birden kómek qolyn sozyp, «MAZ-dy» qar qursaýynan shyǵaryp berdi.
«Jolda qıyn jaǵdaıǵa tap bolǵan adamdarǵa kómektesý – kezekshilikke túsken árbir ekıpajǵa beriletin tapsyrma ǵana emes, bul kóptegen soltústikqazaqstandyqtardyń ómirlik qaǵıdasy bolýy tıis», - deıdi PD PPB komandıriniń orynbasary polısııa kapıtany Ýálıhan Orazalın. — «Bir-birine kómekke kelý, ásirese aýa raıy qubylmaly soltústik óńirde asa mańyzdy. Qysta jol júrgen kezde asa saq bolǵan jón. О́tken aptada batalon qyzmetkerleri óz kúshterimen jolda qıyn jaǵdaıǵa tap bolǵan júrgizýshilerge 10 ret kómek qolyn sozǵan».
Soltústik Qazaqstan oblysy
