Soltústikqazaqstandyq kásipkerler otandyq taýarlar men ónimderdiń sapasy men básekelestik qarymyn arttyrýǵa baǵyttalǵan túrli konkýrstarǵa úzbeı qatysyp keledi. Jaqynda «Qazaqstannyń úzdik taýary» óńirlik baıqaý-kórmesiniń qorytyndysy shyǵarylyp, oblys ákimi Samat Eskendirov jeńimpazdar men júldegerlerdi marapattady.
Soltústikqazaqstandyq kásipkerler otandyq taýarlar men ónimderdiń sapasy men básekelestik qarymyn arttyrýǵa baǵyttalǵan túrli konkýrstarǵa úzbeı qatysyp keledi. Jaqynda «Qazaqstannyń úzdik taýary» óńirlik baıqaý-kórmesiniń qorytyndysy shyǵarylyp, oblys ákimi Samat Eskendirov jeńimpazdar men júldegerlerdi marapattady.
47 úmitkerdiń arasynan qara úzip shyqqan eń tańdaýlylar 3 atalym boıynsha dıplomdar ıelendi. «О́ndiristik maqsattaǵy úzdik taýarlar» atalymy boıynsha «S.M.Kırov atyndaǵy zaýyt» AQ-qa – 1-shi, «Munaımash» AQ-qa – 2-shi, «Jyldam turǵyzylatyn ǵımarattar men ımarattar zaýyty» JShS-ine 3-shi dárejeli dıplom tabys etilse, «Turǵyndarǵa arnalǵan úzdik taýarlar» atalymy boıynsha jeke kásipker Valerıı Makarov, M.Jumabaev aýdanynyń jeke kásipkeri Aıdarbek Qaldyrov, «Ýnıversal-Sever» JShS úzdikter qatarynan kórindi. «Úzdik azyq-túlik taýarlary» atalymy boıynsha «Sultan elevator-dıirmen-makaron kesheni» AQ, Aqqaıyń aýdanyndaǵy «Rostan» JShS, Ǵabıt Músirepov atyndaǵy aýdannyń jeke kásipkeri Pavel Ishenko madaqtaldy. «Mıchýrın kirpish zaýyty» JShS, jeke kásipker Petr Zykov, «Ekpin-2002» JShS, «Taıynsha súti» JShS, «Petropavl broıler fabrıkasy» kásiporyndarynyń aýyl bıznesine qosqan qomaqty úlesteri aıryqsha ataldy.
6 kásiporyn men 3 jeke kásipker óz taýarlarymen ónimderin respýblıkalyq «Altyn sapa» baıqaý-jármeńkesine usynatyn bolady.
О́mir ESQALI,
«Egemen Qazaqstan».
Soltústik Qazaqstan oblysy.
