Sáýlet óneriniń suńǵylalary saraptalady

Budan buryn habarlaǵanymyzdaı, 14-16 tamyz aralyǵynda Astanadaǵy «Kórme» ortalyǵynda EKSPO-2017 halyqaralyq mamandandyrylǵan kórme kesheniniń sáýlet jobalary el nazaryna usynyldy.

Astana EKSPO-2017 kórme kesheniniń eń úzdik eskız-ıdeıasy, sonyń ishinde EKSPO-2017 nysanynyń sımvoly anyqtalatyn halyqaralyq sáýlet baıqaýy 2013 jyldyń 18 aqpanynda bas­talyp, shilde aıynyń 18-inde jumystardy qabyldaý aıaqtaldy. Dúnıe júziniń álemge aty áıgili 50 ataqty arhıtektory osy kór­me­ge óz jobalaryn usyndy. El­basy Nursultan Nazarbaev osy ha­lyqaralyq baıqaýǵa kelip túsken jo­balarmen arnaıy tanysyp shyqqan bolatyn.

Budan buryn habarlaǵanymyzdaı, 14-16 tamyz aralyǵynda Astanadaǵy «Kórme» ortalyǵynda EKSPO-2017 halyqaralyq mamandandyrylǵan kórme kesheniniń sáýlet jobalary el nazaryna usynyldy.

Astana EKSPO-2017 kórme kesheniniń eń úzdik eskız-ıdeıasy, sonyń ishinde EKSPO-2017 nysanynyń sımvoly anyqtalatyn halyqaralyq sáýlet baıqaýy 2013 jyldyń 18 aqpanynda bas­talyp, shilde aıynyń 18-inde jumystardy qabyldaý aıaqtaldy. Dúnıe júziniń álemge aty áıgili 50 ataqty arhıtektory osy kór­me­ge óz jobalaryn usyndy. El­basy Nursultan Nazarbaev osy ha­lyqaralyq baıqaýǵa kelip túsken jo­balarmen arnaıy tanysyp shyqqan bolatyn. Memleket basshysy EKSPO-2017 kórmesin ótkizý Qazaqstan úshin asa mańyzdy tarıhı oqıǵa ekendigin aıta kelip, baıqaýǵa kelip túsken jobalardy tańdaý qorytyndysynyń ma­ńyzdylyǵyna da erekshe toqtaldy.

«Kórme» kesheninde ótken baspasóz máslıhatynda «Astana EKSPO-2017» UK» AQ basqarma tóraǵasynyń orynbasary Álisher Pırmetov «Astana EKSPO-2017» kórme kesheniniń eskız-ıdeıasy jáne onyń sımvoly aıqyndalatyn bul halyqaralyq baıqaýǵa qatysýshy arhıtektorlardyń aldyna asa mańyzdy mindet qoıylǵandyǵyn atap kórsetti. Álemniń árbir ataqty qalalarynyń ózindik arhıtektýralyq sımvoly bolady. Máselen, Parıjde Eıfel munarasy, Sent-Lýıste ataqty Arka bolsa, Sıdneıdi ǵalamat Opera teatry arqyly elestetemiz. Sonymen birge, dástúrli tarıhı shejiresi bar EKSPO búkilálemdik kórmeleriniń de áıgili sımvoldary bar. Máselen, Brıýsselde – Atomıým, Venada – Rotonda. Al Shyǵys pen Batystyń jaýharlary toǵysqan Astananyń sımvoly qandaı? Báıterek, Pıramıda, Han Shatyr ma, álde Opera jáne balet teatry ma? Árıne, bul sáýlet óneriniń ozyq týyndylary bizdiń Astanamyzdyń aıshyqty aıbary ekendigi haq. «Sonymen birge, «Astana EKSPO-2017» Búkilálemdik kórmesin ótkizýine oraı, biz qalamyzda jańa, tamasha sımvoldyń ómirge kelýin qalaımyz. Mine, osy nysan tórtkúl dúnıege EKSPO-2017-ni, Astanany, Qazaqstandy, «Bolashaqtyń energııasyn» pash etse deımiz», dedi jýrnalıstermen bolǵan kezdesýde basqarma tóraǵasynyń orynbasary.

Eki apta merzim ishinde quramyna dúnıe júziniń belgili arhıtektorlary jáne energııa únemdeý salasynyń ozyq mamandary kiretin arnaıy qurylǵan tehnıkalyq keńes baıqaýǵa kelip túsken jobalardyń ishinen eń úzdik te mańyzdylaryn iriktep aldy. Bul tehnıkalyq keńeske ataqty ekonomıst, AQSh-tyń Ekonomıkalyq úrdisterdi zertteý qorynyń prezıdenti Djeremı Rıfkın jetekshilik etýde. Osy tehnıkalyq keńestiń múshesi Qazaqstan Respýblıkasynyń qurmetti sáýletshisi Saǵyndyq Janbolatovtyń aıtýynsha, halyqaralyq baıqaýǵa kelip túsken jobalardyń sapasy óte joǵary. Alaıda, sheteldik arhıtektorlar tarapynan da, qazaqstandyq arhıtektorlar tarapynan da negizgi maqsatqa jaýap bermeıtin álsiz jobalardyń bolǵandyǵyn da jasyra almaımyz. Eki aptaǵa sozylǵan kúrdeli jumys úderisi barysynda elordamyzda ótetin EKSPO-2017 Búkilálemdik kórmesiniń negizgi taqyrybyna jaýap beretin jobalar irikteldi. Aldaǵy ýaqytta halyqaralyq tehnıkalyq keńes jan-jaqty saraptamalar júrgize otyryp, qyrkúıek aıyna deıin energııa únemdeýdiń erekshe úlgilerin kórsetetin jobalardy iriktep alatyn bolady. Jobalar áli de talaı-talaı syn men synaqtan ótedi. Bul rette qoıylatyn qazaqstandyq bas­ty talap: nysannyń syrtqy beınesiniń sulýlyǵy ǵana emes, elektr qýatynyń saqtalýy, únemdiligi, balamalylyǵy sııaqty ınjenerlik-tehnıkalyq artyqshylyǵyna mán berý bolyp tabylady. Osy rette aıta ketetin másele, tehnıkalyq keńestiń quramynda Qazaqstan Respýblıkasynyń qurmetti sáýletshileri Amanjol Chekanaev, Álıasqar Kenjetaev, Saǵyndyq Janbolatov, Astana qalasynyń bas sáýletshisi Vıtalıı Sıleskıı, «Astana EKS