Qoǵamdyq keńistikterdi abattandyrý boıynsha úsh joba júzege asady. Tarata aıtar bolsaq, olardyń qatarynda Gagarın dańǵyly boıyndaǵy Shevchenko jáne Jambyl kósheleri arasyndaǵy Jambyl atyndaǵy gúlzar, Jambyl-Rozybakıev jáne Jambyl-Qojamqulov kósheleri qıylystaryndaǵy bos aýmaqtar, sonymen qatar aýla ishterindegi 5 balalar jáne sport alańdary bar.
«Bıýdjetke qatysý» pılotty jobasy aıasynda azamattar jobalardy tańdaýǵa jáne ony júzege asyrýǵa qatysady. Open Almaty portaly arqyly joba turǵyndar tarapynan talqylanyp, usynystary aıtylady.
Aýdandy abattandyrý boıynsha sóz qozǵaǵan aýdan ákimniń aıtýynsha, ótken jyly 2 jańa alań salynyp, 23-i jóndeýden ótken. Sondaı-aq, jaıaý júrginshige arnalǵan Jibek Joly, Baıseıitova jáne Dúısenov kósheleri jańartyldy. Tastaq yqshamaýdanynyń ortalyǵy keńeıip, Prokofev kóshesiniń Tóle bı kóshesinen Brıýllov kóshesine deıingi bóligi retke keltirildi.
ALMATY
