Mınıstr Álıhan Smaıylovtyń aıtýynsha, aldaǵy eki-úsh aıda bul úrdis aıaqtalady. Biraq onyń qandaı shartpen ornalastyratyny jóninde habarlanbady.
Mamandar bul joly Reseı tarapy qazaqstandyq oblıgasııalardyń suranysqa ıe bolatynyna senimdi. «Astana ınvest» ınvestısııalyq-saraptama ortalyǵynyń bólim basshysy Serik Qozybaev bul jolǵy suranys memlekettik oblıgasııalardyń qandaı shartpen ornalastyrǵandyǵyna baılanysty ekenin aıtady. Sonymen birge bul jolǵy tańdaýdyń nege Reseıge túsip otyrǵanyn da túsindirip ótti.
Qarjy mınıstri Á.Smaılovtyń túsindirýinshe, Reseı naryǵyna shyǵýdyń paıyzdyq mólsherlemesi barynsha tıimdi.
«Fınam» saraptamalyq ortalyǵynyń ókili Alekseı Kovalev te Qarjy mınıstrliginiń sheshimine durys dep baǵa berip otyr.
«Meniń túsinýimshe, biz 500 mıllıon AQSh dollarynyń balamasy týraly aıtyp otyrmyz, ıaǵnı shyǵarylym valıýtasy retinde Reseı rýbli tańdalady. Tutastaı alǵanda, ornalastyrýdyń alǵysharttary aıqyn, naryqtaǵy baǵaly qaǵazdardyń usynylǵan kiristiligi men ótimdiligi mańyzdy bolady. Al onyń mólsherine qatysty Reseı Qarjy mınıstrligi qazaqstandyq oblıgasııany aýksıondarda úsh-tórt ese kóp satady dedi ol.
Centras Securities sarapshysy Aıdyn Naýryzbaev qoldanystaǵy jergilikti qarjy quraldarynan góri baǵaly qaǵazdar ınvestorlar arasynda qyzyǵýshylyq týdyrýy múmkin ekenin atap ótti. Mysaly, onyń qaıtarymy Qazaqstan jaǵy úshin 8 paıyzdan joǵary bolýy ábden múmkin.
Buǵan deıin Fitch Qazaqstannyń boljamdy oblıgasııalaryna BBB (EXP) reıtıngine toqtady. Sondaı-aq osyǵan deıin bizdiń el quny 1,1 mıllıard eýroǵa eýrooblıgasııalardy ornalastyrǵan.
Fitch saraptamalyq agenttigi de Qarjy mınıstrliginiń sheshimin durys dep otyr. Agenttiktiń habarlaýynsha, qorytyndy reıtıng túpkilikti qujattama tapsyrylǵannan keıin belgili bolady.
Bizdiń gazet osyǵan deıin Qazaqstan London qor bırjasynda jáne AIX-te 1,1 mlrd eýroǵa eýrooblıgasııalardy ornalastyrýdy josparlap otyrǵanyn jazǵan. Sarapshylar aldaǵy ornalastyrýdy joǵary baǵalady. Búginge deıin Qazaqstan 1,1 mlrd eýroǵa eýrooblıgasııalardyń eki transhyn ornalastyrdy.
Cbonds málimetteri boıynsha jeti jyldyq oblıgasııalardyń kólemi 500 mıllıon eýrony, al 15 jyldyq oblıgasııalar 650 mıllıon eýrony (barlyǵy - 1,15 mıllıard evro) qurady.
Olardyń tabystylyǵy 0,6% jáne 1,5% quraıdy.
