Ústimizdegi jyldyń basynan beri Astana qalasynda 9500 oqýshyǵa arnalǵan 8 jańa mektep ǵımaratynyń qurylysy júrgizilýde. Olardyń ishinde 1200 oqýshyǵa arnalǵan «Bytyǵaı» turǵyn úı keshenindegi jańa mektep aldymyzdaǵy 1 qyrkúıekte esigin aıqara ashady.
Ústimizdegi jyldyń basynan beri Astana qalasynda 9500 oqýshyǵa arnalǵan 8 jańa mektep ǵımaratynyń qurylysy júrgizilýde. Olardyń ishinde 1200 oqýshyǵa arnalǵan «Bytyǵaı» turǵyn úı keshenindegi jańa mektep aldymyzdaǵy 1 qyrkúıekte esigin aıqara ashady.
О́te joǵary qarqynmen ósip kele jatqan elordamyzda mektep jáne mektep jasyna deıingi balalar mekemelerindegi oryn sanynyń jetimsizdigi ótkir bolyp otyr. Qala ákimdigi bul keleli problemany sheshý úshin sońǵy jyldary keshendi sharalardy qolǵa aldy. Bıylǵy jyldyń ózinde Astana qalasynda qatarynan 8 jańa mektep qurylysy bastalǵan bolatyn. Atap aıtqanda, olardyń qatarynda №50 jáne Sh.Qaldaıaqov atyndaǵy kósheler qıylysyndaǵy mektep ǵımaraty, M.Jumabaev kóshesinen shyǵysqa qaraı Saraıshyq kóshesindegi mektep qurylysy, Orynbor, Eńbekshiler kósheleriniń jáne Kereı, Jánibek handar kóshesiniń qıylysyndaǵy jańa mektep ǵımaraty, Jeleznodorojnyı kentindegi jáne №41 kóshe men Mırzoıan kóshesiniń jalǵasyndaǵy, «Bytyǵaı» turǵyn úı keshenindegi jańa mektepter bar. 2013 jylǵy jańa oqý jylynda osy salynyp jatqan mektep ǵımarattarynyń ishinde «Bytyǵaı» turǵyn úı keshenindegi 1200 oqýshyǵa arnalǵan jańa mektep paıdalanýǵa beriledi. Al jyldyń aıaǵyna deıin Jeleznodorojnyı kentindegi jáne №41 kóshe men Mırzoıan kósheleri qıylysyndaǵy jańa mektep ǵımarattary paıdalanýǵa berilmek. Bul týraly Astana qalasynyń astana.kz resmı saıtynda habar taratyldy.
Sonymen birge, Memleket basshysynyń tikeleı bastamasymen júzege asyrylyp jatqan «Balapan»baǵdarlamasy aıasynda tek 2013 jyly ǵana 2600 búldirshinge arnalǵan 6 memlekettik, 8 jeke menshik balalar baqshalary jáne 2 shaǵyn-ortalyq paıdalanýǵa berildi. Sonymen birge, qazirgi kezde 2800 búldirshinge arnalǵan 12 balalar baqshasynyń qurylysy salynýda. №4 balalar baqshasyna 60 oryndyq qosymsha qurylys jumysy júrgizilýde.
Jylqybaı JAǴYPARULY,
«Egemen Qazaqstan».
