Qazaqstan Respýblıkasynyń Prezıdenti janyndaǵy Ortalyq kommýnıkasııalar qyzmetiniń brıfınginde resmı ókil Altaı Ábıbýllaev ústimizdegi aptada ótetin aıshyqty oqıǵalar barysymen tanystyrdy. Sondaı-aq, brıfıngte QAJK tóraǵasynyń orynbasary Janat Keshýbaev qylmystyq-atqarý júıesindegi jaǵdaıǵa túsinik berdi.
Qazaqstan Respýblıkasynyń Prezıdenti janyndaǵy Ortalyq kommýnıkasııalar qyzmetiniń brıfınginde resmı ókil Altaı Ábıbýllaev ústimizdegi aptada ótetin aıshyqty oqıǵalar barysymen tanystyrdy. Sondaı-aq, brıfıngte QAJK tóraǵasynyń orynbasary Janat Keshýbaev qylmystyq-atqarý júıesindegi jaǵdaıǵa túsinik berdi.
Resmı ókil Premer-Mınıstr Serik Ahmetov keshe Qytaı Halyq Respýblıkasynyń Syrtqy ister mınıstri Van Idi qabyldaǵanyn málim etti. Qytaı syrtqy saıasat vedomstvosynyń basshysy óz áriptesi – Qazaqstannyń Syrtqy ister mınıstri Erlan Ydyrysovpen de kezdesý ótkizgen. Astanada ótip otyrǵan kelissózderdiń basty maqsaty – bul Qazaqstan Respýblıkasynyń Prezıdenti Nursultan Nazarbaevtyń shaqyrýymen Qytaı Halyq Respýblıkasynyń Tóraǵasy, Qytaı Kommýnıstik partııasy Ortalyq komıtetiniń Bas hatshysy Sı Szınpınniń elimizge 6-7 qyrkúıek kúnderi jasaıtyn resmı saparynyń aıasynda Qazaqstan men Qytaı arasyndaǵy saıası jáne saýda-ekonomıkalyq qarym-qatynastardyń búgini men keleshegin jan-jaqty talqylaý.
Qytaı Qazaqstannyń mańyzdy strategııalyq áriptesi sanalady. Jáne de elder arasynda tatý kórshilik pen dostyq rýhyndaǵy jan-jaqty yntymaqtastyq serpindi damýda. Tek 2012 jyldyń qorytyndysy boıynsha taýar aınalymy 23,9 mlrd. AQSh dollaryna jetipti.
Premer-Mınıstr Serik Ahmetov búgin ótkizetin Úkimet otyrysynda «Bıznestiń jol kartasy-2020» baǵdarlamasynyń júzege asyrylý barysy talqylanady, dedi resmı ókil. Budan basqa, Úkimet músheleri ana men bala ólimin azaıtý jónindegi sharalardy iske asyrý máselesin de qarastyrady. Sonymen qatar, Premer-Mınıstr 21 tamyzda Bilim kúni qarsańynda jańa oqý jylyna daıyndyq barysy týraly májilis ótkizedi. Al 23 tamyzda Úkimet agroónerkásiptik keshendi odan ári damytý máselelerin qarastyrmaq. 21 tamyzda Ekonomıka jáne bıýdjettik josparlaý mınıstri Erbolat Dosaev pen Indonezııanyń Ekonomıka isteri jónindegi mınıstri Hatta Radjasa Qazaqstan men Indonezııa arasyndaǵy ekonomıkalyq yntymaqtastyq jónindegi úkimetaralyq komıssııanyń teń tóraǵasy esebinde Djakartada komıssııa otyrysyn ótkizedi. Taraptar saýda-ekonomıkalyq yntymaqtastyqty odan ári nyǵaıtý joldaryn, onyń ishinde saýda men ınvestısııa boıynsha jumys tobyn qurý máselelerin jan-jaqty talqylaýdy kózdep otyr.
Sondaı-aq, 22-23 tamyzda elordada «Sapaly bilim men tárbıe – Qazaqstannyń memlekettik saıasatynyń basym baǵyty» taqyrybyndaǵy bilim berý salasy qyzmetkerleriniń respýblıkalyq pedagogıkalyq keńesi óz jumysyn bastaıtyny erekshe ataldy. Resmı ókil keńeste bilim berý men tárbıe sapasyn arttyrý, pedagogtarmen, ata-analarmen jáne azamattyq qoǵam ókilderimen baılanys ornatý jáne azamattyq qoǵam ınstıtýttarynyń bilim berýdi damytýdyń 2011-2020 jyldarǵa arnalǵan memlekettik baǵdarlamasyn júzege asyrýǵa belsene qatysýy jan-jaqty talqyǵa salynaryn jetkizdi.
Brıfıngte sóz alǵan QAJK tóraǵasynyń orynbasary Janat Keshýbaev óz vedomstvosynyń jumysy barysynan habardar etti. Onyń sózine qaraǵanda, qazir bas bostandyǵynan aıyrý oryndarynda 49 883 adam otyr. Qylmystyq atqarý ınspeksııasynyń esebinde 17 580 sottalǵan tursa, onyń 2864 áıel jáne 256-sy kámeletke tolmaǵandar. Qazaqstan álemdegi 221 memlekettiń ishinde 100 adamǵa shaqqanda sottalǵandardyń sany boıynsha 31-orynda tur. 2002 jyly Qazaqstan Respýblıkasy 3-orynda bolǵan edi.
QAJK tóraǵasynyń orynbasary, sonymen qatar, 46 túzeý mekemelerinde neǵurlym qajetti jumys mamandyqtarynyń 50 túri boıynsha sottalǵandardy kásibı daıyndaý júzege asqandyǵyn da ortaǵa saldy. Onyń aıtýynsha, 2012-2013 oqý jyldarynda 4 myńǵa jýyq sottalǵan kásibı jáne eńbek naryǵynda qajetti mamandyqtar boıynsha bilim alǵan. Qazirgi ýaqytta respýblıkanyń mekemelerinde jalpy bilim beretin 55 oqý orny jumys isteıdi, onda 3 557 sottalǵan bilim alýda. Sońǵy eki jyl ishinde sottalǵandardyń tamaqtaný normalary árbir qoldanylatyn ónimniń jáne tamaq ónimderiniń energetıkalyq qundylyǵyn eskere otyryp, kóbeıtý jáne sapasyn jaqsartý jaǵyna qaraı eki ret qaıta qarastyryldy. Et, balyq, sút, irimshik berý normalary eleýli túrde kóbeıdi. Sottalǵandardyń tamaqtaný assortımentine qosymsha irimshik, qaımaq, shujyq ónimderi, shyryndar, jem
