Parlament Senatynyń depýtaty Ǵarıfolla Esim Shyǵys Qazaqstan oblysyndaǵy shyǵarmashylyq qaýymmen kezdesti jáne M.Áýezovtiń «Qorǵansyzdyń kúni» áńgimesiniń keıipkerin eske alý keshine qatysty.
Sharaǵa qatysýshylar basty keıipkerdiń qurmetine eskertkish qoıýǵa nıet bildirdi.
Parlament Senatynyń depýtaty Ǵarıfolla Esim Shyǵys Qazaqstan oblysyndaǵy shyǵarmashylyq qaýymmen kezdesti jáne M.Áýezovtiń «Qorǵansyzdyń kúni» áńgimesiniń keıipkerin eske alý keshine qatysty.
Sharaǵa qatysýshylar basty keıipkerdiń qurmetine eskertkish qoıýǵa nıet bildirdi.
Sondaı-aq senatorlar Ǵarıfolla Esim, Ádil Ahmetov jáne Ermek Jumabaev Pavlodar oblysy, Lebıaji aýdanyndaǵy Aqqý aýylynda ótken uly oıshyl Abaıdyń týǵanyna 168 jyl tolýyna arnalǵan sharaǵa da qatysty.
* * *
Parlament Senatynyń depýtaty Jabal Erǵalıev Aqmola oblysynyń Eńbekshilder aýdanynda bolyp, aımaqtyń áleýmettik-ekonomıkalyq ahýalymen tanysty jáne ol aýdandyq máslıhattyń HH sessııasyna qatysty.
Elimizdiń aýyl sharýashylyǵynyń zor múmkindigi bar ekendigin Elbasy óziniń «Qazaqstan-2050» Strategııasynda atap kórsetti. Bizdiń elimiz qazir astyq óndirý men ony eksporttaýda álem boıynsha aldyńǵy qatarǵa shyqsa, endi shetelderge shyǵarylatyn et ónimderiniń kólemin arttyrýdy maqsat etip otyr. Buǵan qol jetkizý úshin Úkimet tarapynan aýyl sharýashylyǵyna, ásirese, mal sharýashylyǵyn órkendetýge naqtyly kómek pen qoldaý kórsetilýde. «Sybaǵa» baǵdarlamasy boıynsha aýyl adamdaryna mal satyp alýǵa arzan nesıeler berilýde. Mine, osy múmkindikterdi jergilikti jerlerde tıimdi paıdalanýǵa barynsha atsalysý kerek, – dedi senator.
* * *
Parlament Májilisiniń depýtaty, «Nur Otan» HDP fraksııasynyń múshesi Ulasbek Sádibekov «Ońtústik Qazaqstan oblysyndaǵy tarıhı eskertkishterdi saqtaýǵa – partııalyq baqylaý» taqyrybyndaǵy dóńgelek ústel jumysyna qatysty.
Tarıhı eskertkishterdiń jaǵdaıy, olardy saqtaý men jańa artefaktilerdi izdeý, otanshyldyqqa tárbıeleý máselelerin talqylaýǵa oblystyń joǵary oqý oryndarynyń belgili tarıhshylary, arheologtary, etnograftary men saıasattanýshylary shaqyryldy. Búgingi tańda OQO aýmaǵynda tarıhı-mádenı mura nysandarynyń jalpy sany 1209-dy quraıdy. Onyń ishinde, arheologııalyq eskertkishterdiń sany – 999 bolsa, sáýlet eskertkishteriniń sany – 210. Oblysta respýblıkalyq mańyzdaǵy 33 eskertkish bar.
«Nur Otan» HDP Ońtústik Qazaqstan oblystyq fılıaly dóńgelek ústelde oblys kóleminde aksııa ótkizý usyndy. Aksııanyń basty maqsaty – jańa tarıhı kózqarastyń qalyptasýyna yqpal etý.
Májilis depýtaty Ulasbek Sádibekov otyrysta kóterilgen máselelerdiń mańyzdylyǵyna toqtalyp, bul bastama tarıhı muralardy saqtaýǵa, qorǵaýǵa, dáripteýge úlken septigin tıgizedi degen senim bildirdi.
* * *
Parlament Senatynyń depýtattary Rashıt Ahmetov pen Erbolat Muqaev elimizdiń aımaqtaryna sapary aıasynda Batys Qazaqstan oblysynyń jeti aýdanynda bolady. Senatorlar qazirdiń ózinde Zelenov jáne Terekti aýdandarynda boldy.
Sapar barysynda depýtattar Kırov-Chıjın sý arnasyn jańǵyrtý barysymen tanysty. Bul Jaıyq – Kóshim júıesinen Úlken ózenge sý berýge arnalǵan aıdynaralyq sý jiberý strategııalyq nysany bolyp tabylady. Aıdynaralyq sý jiberýge jáne Reseı Federasııasyna sýǵa táýeldilikti azaıtýǵa arnalǵan arna jedel jańǵyrtý jumystaryn júrgizýdi qajet etedi.
Depýtattar, sondaı-aq, bıýdjetaralyq qatynastardy jáne jańa bıýdjet saıasatynyń tujyrymdamasyn talqylaý úshin bıýdjet salasynyń qyzmetkerlerimen oblystyq máslıhat depýtattarymen kezdesýdi josparlap otyr.
