Soltústikqazaqstandyqtar aldynda el rızyǵyn ysyrapsyz jınap alý sekildi asqaraly
mindetter tur
Soltústikqazaqstandyqtar aldynda el rızyǵyn ysyrapsyz jınap alý sekildi asqaraly
mindetter tur
Teriskeıdiń jazy malǵa da, janǵa da jaıly tıgen syńaıly. Jaýyn-shashynyn da, aptap ystyǵyn da molynan tókti. Erte kóktemnen tańmen talasa turyp, kún batqansha damyl tappaǵan dıqan qaýymy tókken terdiń esh ketpegenine qýanýly bolsa, bir jaǵynan qobaljýly. Astyq óndirisine jańa resýrs únemdeý tehnologııasyn qoldanýdyń arqasynda 3,6 mıllıon gektar alqapqa sińirilgen dándi daqyldar búginde jaıqala ósip, masaty kilemdeı qulpyrady. Alaıda, jergilikti sınoptıkterdiń boljaýyna qaraǵanda, kúzdiń ylǵaldy bolatyn túri bar. Jaýapty naýqanǵa erte bastan qam jasap, ázirlik sharalaryn kúsheıtip jatqandary sondyqtan. Oblystyq aýyl sharýashylyǵy basqarmasynyń aqparattary boıynsha oraqqa 9500-deı astyq jınaıtyn tehnıka qatyspaq. Olar túgelge jýyq daıyndyq sapynda tur. 2400-i joǵary ónimdi egis keshenderi sanalady. Jyl basynan beri 8,7 mıllıard teńgeniń 658 tehnıka birligi satyp alyndy. Kúzgi dala jumystaryn atqarýǵa 78 myń tonna janar-jaǵarmaı qajet bolsa, úshten biri jetkizildi. Bir problema sapaly astyq saqtaý salasynda týyndap jatatyn. Jyl aıaǵyna deıin 190 myń tonnalyq 10 elevator paıdalanýǵa berilmekshi. Sóıtip, astyq kásiporyndarynyń sany 54-ke jetip, 3,5 mıllıon tonna el rızyǵyn qabyldaýǵa qaýqarly bolady. Buǵan agroqurylymdardaǵy 2,7 mıllıon tonnalyq qoımalardy qossaq, bul másele de birtindep sheshimin taba bastaǵan tárizdi. О́simdik zııankesterine qarsy hımııalyq dárileý sharalary muqııat júrgizilip, túrli aýrýlardyń órshýine jol berilmegenin aıta ketken jón.
Oraq naýqanyna ázirlik jumystaryn tikeleı óz baqylaýyna alǵan oblys ákimi Samat Eskendirov sharýashylyqtardy aralap, naqty jaǵdaımen tanysýdy ádetke aınaldyrǵan. Kezekti bir jumys saparynda Esil aýdanynda bolyp, 20 myń ga alqapqa jaıqalta astyq ósirgen « Atameken-Agro-Esil» JShS-niń egis tanaptaryn aralap kórdi. Onyń basshysy Ermekbaı Aıdarbekov gektar berekeligi 20 sentnerden asyp túsetinin jetkizdi. Bulardan «Agro-Aleksandrovka» seriktestiginiń de qalysatyn túri kórinbeıdi. Byltyrǵy tabystyń bir bóligin mashına-traktor parkin jańalaýǵa jumsapty. «Ilınskoe» agroqurylymy kóp jyldan beri ınnovasııalyq tehnologııalardy keńinen paıdalanyp keledi. Sodan beri ortasha túsim 20 sentnerden kemigen emes. 17 myń gektar jerge astyq ósirip otyrmyz. 100 mıllıon teńgege eki astyq keptirgish qondyrǵysyn ornattyq. Mal sharýashylyǵymen de shuǵyldanamyz, dedi óz sózinde seriktestik jetekshisi Aleksandr Býrlev.
Aýdanda jumys isteıtin 81 JShS, 200 ShQ 275 myń gektar alqapqa ósirilgen bitik egindi shashpaı-tókpeı jınap alýǵa tas-túıin ázir ekeni birden ańǵarylady.
Aımaq basshysy Qyzyljar aýdanyna qarasty «Ábı-Jer» seriktestiginiń alqaptaryna soǵyp, bıdaı men raps ósirýdiń synaq tájirıbesine nazar aýdardy. Munda ızraıldyq mıneraldy tyńaıtqysh kómegimen ónimdilikti 5 sentnerge deıin arttyrý joldary qarastyrylsa, Aqqaıyń aýdanynda qonys tepken «Daıyndyq» sharýa qojalyǵy ár gektardan keminde 35 sentner ónim alýǵa sert etken.
Samat Saparbekuly dıqandarmen kezdesýde Úkimet tarapynan egin oraǵyn uıymshyldyqpen ótkizýdiń barlyq jaǵdaıy jasalǵanyn, janar-jaǵarmaıdyń qoljetimdi baǵamen bosatylǵanyn, Otan qambasyna mol astyq quıý maqsaty oryndalatynyn jetkizdi.
О́mir ESQALI,
«Egemen Qazaqstan».
Soltústik Qazaqstan oblysy.
