Astana qalasynda ótetin Qazaqstan qan tamyrlary hırýrgtary qoǵamynyń birinshi sezine qatysýshylar «Tilep Qobyz» saraıynda beınekórsetilim arqyly júrgiziletin operasııalarmen tikeleı tanysatyn bolady, dep habarlaıdy Respýblıkalyq medısınalyq jedel járdem ǵylymı-zertteý ortalyǵy.
Astana qalasynda ótetin Qazaqstan qan tamyrlary hırýrgtary qoǵamynyń birinshi sezine qatysýshylar «Tilep Qobyz» saraıynda beınekórsetilim arqyly júrgiziletin operasııalarmen tikeleı tanysatyn bolady, dep habarlaıdy Respýblıkalyq medısınalyq jedel járdem ǵylymı-zertteý ortalyǵy.
Halyqaralyq sarapshylar qatysatyn Respýblıkalyq birinshi sezd sheńberinde ótkiziletin sheberlik klastary jáne beınekórsetilim arqyly júrgiziletin úlgi operasııalary respýblıkalyq medısınalyq jedel járdem ǵylymı-zertteý ortalyǵynda jáne №1 qalalyq aýrýhananyń bazasynda júrgiziletin bolady. Bul sharalardy 22 jáne 24 tamyz kúnderi aralyǵynda ótkizý josparlanǵan. Aldyn ala habarlanǵanyndaı, Qazaqstan qan tamyrlary hırýrgtary qoǵamynyń birinshi seziniń jumysyna Reseı, О́zbekstan, Lıtva, Izraıl jáne Germanııa memleketteriniń bilikti sarapshylary qatysady.
Qazaqstan qan tamyrlary hırýrgtary qoǵamynyń birinshi sezi osy basqosý aıasynda qan tamyrlaryn emdeýdiń búgingi tańdaǵy ozyq tehnologııalaryn jáne tıimdi ǵylymı izdenisterin qoljetimdi etýdi kózdep otyr. Mańyzdy basqosý barysynda Qazaqstannyń mamandary shetelderden kelgen bilikti mamandarmen tájirıbe almasyp, tıimdi sheberlik klastaryn ótkizý josparlanǵan. Sonymen birge, emdeý ortalyqtary aqparattar almasyp, teorııalyq jáne tájirıbe júzindegi baılanystaryn odan ári nyǵaıta túsetin bolady.
«Egemen-aqparat».
