- О́zderińizge belgili, Memleket basshysy Qasym-Jomart Kemeluly Toqaevtyń jarlyǵyna sáıkes, kópbalaly analardy «Altyn alqa» jáne «Kúmis alqamen» marapattaý týraly sheshim qabyldanǵan bolatyn. Osy Jarlyq boıynsha bıyl Qostanaı oblysynda turatyn 23 anaǵa marapattar tapsyrylady. Bul memleket tarapynan kópbalaly otbasylardy qoldaýǵa úzdiksiz qoldaý kórsetýdiń bir ǵana kórinisi. Búginde Qostanaı oblysynda 5589 kópbalaly otbasy turyp jatyr. Jyl basynan beri bul otbasylarǵa arnaıy járdemaqy tólenip jatyr. Sonymen qatar balalarǵa memlekettik áleýmettik paketter berile bastady. Aldaǵy ýaqytta bul qoldaý túrleri jalǵasyn tabatyn bolady, - degen aımaq basshysy altyn qursaq batyr analarǵa izgi tilekke toly quttyqtaý sózin arnady.
Áýlıekól aýdanyna qarasty Aısary aýylynda turatyn Aınagúl Qapsabyrova 6 bala tárbıelep otyr. – Búgin osynda otyrǵan árbir ana úshin mańyzdy kún. Osy sátti paıdalana otyryp kóp balaly analarǵa qoldaý-kómek kórsetip kele jatqan memleketimizge myń alǵys aıtqym keledi. Sizderdiń arqalaryńyzda salıqaly urpaq ósirip otyrǵan jaıymyz bar. Kez kelgen memlekettiń bolashaǵy – onyń sanaly urpaǵy. Búgingi sábı erteńgi el azamaty. Búgin bizge kórsetip otyrǵan qurmet, qamqorlyqtaryńyz erteń osy kóp balaly otbasylarda ósip-óngen balalardan qaıtady. Olar otanyna, týǵan jerine degen súıispenshilikpen talmaı eńbek etip, el erteńiniń eńseli bolýyna úles qosady dep senemin. Otanymyzǵa tynyshtyq, elimizge birlik pen bereke tileımin! – dedi batyr ana.
Búginde Qostanaı oblysynda altyn alqaly 1588, kúmis alqaly 3469 ana turady. 1277 ana «Batyr ana» medali men 1 jáne 2 dárejeli «Ana dańqy» ordenin taqqan.
О́ńirde qazirgi tańda 6 myńǵa jýyq kóp balaly otbasy memlekettik járdemaqy alady. Oblysta kóp balaly analardy baspanamen qamtý máseleside birte-birte sheshim taba bastaǵandaı. Bul ıgi iske «Baqytty otbasy» memlekettik turǵyn úı baǵdarlamasy erekshe serpin berip otyr. Atalmysh baǵdarlama boıynsha byltyr jalpy quny 1 mlrd teńgeden asatyn 157 jeńildetilgen nesıe berilip, 34 otbasy baspana baqytyna ıe bolyp otyr. «Baqytty otbasy» baǵdarlamasy kásipkerler tarapynan da qoldaý taýyp otyr. Baǵdarlama bastalǵaly óńirdiń jomart júrek azamattary 60 kóp balaly otbasyny baspanamen qamtyp otyr.
Qostanaı
